गुल्मीको भनभनेमा ३ घर-गोठ जलेर नष्ट

गुल्मी: आईतबार दिउँसो गुल्मीको मदाने गाउँपालिका-७ को भनभनेको वनमा लागेको आगो वस्ती तर्फ फैलिएर तीनवटा घरगोठ जलेर नष्ट भएका छन।

भनभनेको दिपक मावि नजिको वनमा फैलिएको डढेले वस्ती तर्फ फैलिए पछि मानबहादुर जिसी, टोप बहादुर जिसीको ३ वटा घर गोठ जलेर नष्ट भएको मदाने गाउँपालिकाका प्रमुख प्रशासकिय अधिकृत शालिकराम पन्थीले जानकारी दिए।

उनका अनुसार आगोलागि नियन्त्रणमा प्रहरी, जनप्रतिनिधी र सर्वसाधरण जुटे पनि थप करिब १० वटा घर उच्च जोखिमा छन । ईलाका प्रहरी कार्यालय पुर्कोटदको प्रहरी आगो नियन्त्रणमा खटेको र सदरमुकामबाट सशस्त्र प्रहरीको टोली त्यस तर्फ जान लागेको जिल्ला प्रहरी प्रमुख एसपी राजन भुजेलले जानकारी दिए।