गुल्मी इस्मामा थप दुई घर जलेर नष्ट (भिडियो सहित)

गुल्मी, वैशाख १०: दुई दिन अघि मात्र दुई दर्जन बढी घर र त्यति नै संख्यामा गोठ जलेर क्षति ब्यहोरेको गुल्मीको इस्मा गाउँपालिकामा आज सोमबार थप दुईवटा घर र एउटा गोठ जलेर अर्को क्षति ब्यहोरेको छ।

इस्मा-६ को बुल्म स्थित मोटे कुमालका दुई भाई छोराहरुको दुई लवटा घर र एउटा गोठ जलेर नष्ट भएको जिल्ला समन्वय समिति सदस्य तथा स्थानीयवासी सुनिता जिसीले जानकारी दिनु भयो।

उहाँ सहित उद्धार कार्यमा गाउँपालिका अध्यक्ष भगत सिंह खड्का, वडाध्यक्ष ढाल बहादुर कुँवर, अन्य जनप्रतिनिधि, अस्थायी प्रहरी पोष्ट धनार्जेको प्रहरी र स्थानीयवासी जुटेर थप घर जल्नबाट बचाएका छन‌। बैशाख ८ गते जिल्लाभर ४१ वटा घर जलेको मध्ये इस्मा मात्रै २५ वटा घर जलेर पूर्णरुपमा क्षति भएका थियो। अब इस्मामा क्षति हुने घर संख्या २७ पुगेको छ।