अनिल खत्री, गुल्मी: फागु अर्थात होली पर्व सभ्य रूपमा मनाउन जिल्ला प्रशासन कार्यालय गुल्मी सबैमा आग्रह गरेको छ । प्रशासनले सार्वजनिक सूचना जारी गर्दै फागु पर्व होली मनाउने क्रममा कसैको इच्छाविपरित रंग दल्ने लोला हान्ने बाटोमा लुकेर बटुवालाई इच्छा विपरीत रंग नदल्लन आग्रह गरेको छ ।
त्यस्तै बाटो अवरोध गरी सवारीसाधनबाट रकम असुल्ने लगायत उश्रृङ्गखल अवाञ्छित कार्यहरू प्रचलित कानून विपरित हुने हुँदा उक्त गतिविधिहरु नगर्नु नगराउनुहुन प्रशासनले जारी सूचनामा उल्लेख छ । यदि कहि कतै कानून विपरितका कार्यहरु भए गरेको पाइएमा प्रचलित नियमअनुसार कार्वाही गुल्मी प्रशासनले जनाएको छ ।
होलीलाई सभ्य तरिकाले मनाउनका लागि र कुनै पनि अप्रिय घटना घटना नदिन प्रशासनले सार्वजनिक सूचना जारी गरेर जानकारी गराएको सहायक प्रमुख जिल्ला अधिकारी हरिप्रसाद गैरेले बताए । चैत ११ गते आइतबार पहाडी जिल्लामा र चैत १२ गते तराईका जिल्लामा होली पर्व मनाइदै छ ।
रंगहरुको पर्वको रुपमा मनाइने होली विशेष महत्त्वपूर्ण पर्व हो ।
|
ओझेलका खबरलाई फेसबुक, एक्स, इन्स्टाग्राम वा टिकटकमा फ्लो गर्नुहोस्। कार्यक्रम ओझेलका खबर र ओझेलका खबर डटकम विशेष रिपोर्टहरु हेर्न Ojhelka Khabar TV युट्युब च्यानल सब्स्क्राइब गर्नुहोस्। |
