अदुवा बेसार पकेट कार्यक्रमलाई निरन्तरता दिँदै

पाल्पा: अदुवा बेसार पकेट कार्यक्रम २०८०/८१ निरन्तरता कार्यक्रम सम्बन्धी सार्वजनिकिकरण कार्यक्रम सम्पन्न भएको छ।

विगत २ वर्ष देखि बगनासकाली गा.पा.-२, पोखराथोकको भवानी महिला कृषक समूहले अदुवा बेसार कार्यक्रम संचालन गरिरहेको छ। यो वर्ष पनि कार्यक्रम निरन्तरताका लागि नेपाल सरकारको संघिय सशर्त अनुदान कार्यक्रम अन्तर्गत ६ लाख रुपैयाँ बजेट विनियोजन गरेको छ।

कार्यक्रम प्रमुख अतिथि गाउँपालिका अध्यक्ष सरस्वती दर्लामी चिदीले नेपाल सरकारको संघिय सशर्त अनुदान कार्यक्रम अन्तर्गत  गत बर्ष देखि अदुवा बेसार कार्यक्रम  संचालनमा रहेको र यस बर्षपनि यहि समुहमा निरन्तरता  दिने गरि यसै समुहलाई पालिकाले  निरन्तरता दिईएको  बताउनु भयो। बगनासकाली गाउँपालिका भित्रका विभिन्न  वडाहरूमा पकेट कार्यक्रम  संचालन गरि आय आर्जनमा जोड  दिदै  उत्पादनलाई  प्राथमिकतामा राखिएको बताउनु भएको थियो।

समुहले व्यक्तिगत र सामूहिक  खेती  अवलम्बन गरि अदुवा  बेसार  लगाई बार्षिक आम्दानी बढाउन  सबै दीदिबहिनीहरूलाई आग्रह गर्नु भयो। रोग किराबाट बालीलाई बचाउन , कृषि प्राविधिकहरूले सरसल्लाह  र बालीको  निरीक्षण  गर्न  र किसानलाई सहयोग गर्ने काममा प्राविधिकहरूलाई आग्रह गर्नुभएको थियो।

कार्यक्रममा गाउँपालिकाका प्रवक्ता टिका थापा, वडा अध्यक्ष तिर्थ प्रसाद भट्टराई, कार्यपालिका गीता रेग्मी लगायतले कार्यक्रमको शुभकामना  दिदै बजेट आउदा मात्र कायक्रम गर्ने, बजेट नहुँदा कार्यक्रमलाई निरन्तरता नदिने परीपाटीलाई अन्त्य गरी हरेक वर्ष आयआर्जनमा वृद्दी  गर्न सुझाव दिनुभयो। भवानी कृषक समुहको आयोजनामा भएको कार्यक्रम शान्ता गैरेको  स्वागत, समुहका अध्यक्ष पवित्रा मुडवरीको अध्यक्षता, कृषि प्राविधिक निशा मरासिनीको संचालनमा कार्यक्रम सम्पन्न  भएको हो।