गुल्मी: गुल्मीकी ११ वर्षीया बालिकाको भारतमा बलात्कारपछि हत्या भएको छ। जिल्लाको मुसिकोट नगरपालिका वडा नम्बर ३ का ज्ञानबहादुर नेपाली र आस्था नेपालीकी छोरी रेखा नेपालीको हरियाणा गुरुग्राममा बलात्कारपछि हत्या भएको हो ।
मृतक रेखाका आफन्त कमल नेपालीले भारतबाट दिएको जानकारी अनुसार, २२ गते साँझ ८ बजे रेखा पसलमा निस्केकी थिइन् । उनलाई आफ्नै कोठामा लगी गुल्मीको मुसिकोट नगरपालिका वडा नम्बर २ अस्थोक अमराईका हाल हरियाणामा रहेका ४५ वर्षीया पुरुषले बलात्कारपछि हत्या गरेको परिवारको आरोप छ ।
मृतक रेखाको शव पोष्टमार्टम भइसकेको छ । उनको शव आरोपित पुरुषकै कोठामा फेला पारिएको थियो । बलात्कारपछि घाँटी रेटेर हत्या गरेको प्रारम्भिक निष्कर्ष छ ।
रेखाका आफन्तले प्रहरीमा किटानी जाहेरी दिएका छन् । हालसम्म आरोपित पुरुष पक्राउ पर्न सकेका छैनन् । घटनाबारे प्रहरीले अनुसन्धान गरिरहेको छ ।
मृतक रेखाका बुबाआमा र एक भाइ छन् । उनीहरु विगत छ वर्षदेखि भारतमा बस्दै आएका थिए । आरोपित पुरुष पनि रोजगारीका लागि भारतमै थिए ।
ओझेलका खबरलाई फेसबुक, एक्स, इन्स्टाग्राम वा टिकटकमा फ्लो गर्नुहोस्। कार्यक्रम ओझेलका खबर र ओझेलका खबर डटकम विशेष रिपोर्टहरु हेर्न Ojhelka Khabar TV युट्युब च्यानल सब्स्क्राइब गर्नुहोस्। |