गुल्मी: भारत देखि माघे संक्रान्ति मान्न घर आएका गुल्मीका एक व्यक्ति आज (बुधबार) बिहान झण्डै चार दिन पछि परिवारको सम्पर्कमा आएका छन।
पुस २९ गते दिल्लीबाट घर आएका इस्मा गाउँपालिका-२, झिरनेटाका ३९ बर्षिय बाबुराम नेपाली तम्घासबाट रहस्यमय रुपमा त्यस साँझ देखि बेपत्ता भएका थिए।
सोही वडा छल्दिटार स्थित नेपालीकी छिमेकी तथा रेडियो रेसुङ्गाका स्टेसन म्यानेजर अनिता खत्रीले उनलाई एकजना साथी सहित तम्घासको उदिनढुङ्गामा देखेको बताईन। उनी बेपत्ता भएपछि छिमेकी मङ्ग्ल नेपाली लगायतका अगुवाहरूले हिजो जिल्ला प्रहरी कार्यालयमा खोजतलासका लागि निवेदन समेत दिएका थिए।
बेपत्ता भएको दिन देखि हामीलाई समेत आग्रह गरेका समाजसेवी नेपालीले केहिबेर अघि उनी फोन सम्पर्कमा आएको जानकारी दिए। तम्घासबाट हिँडेको गाडी धुर्कोट तर्फ लागेको र उनी अहिले बिहान सिमाहघाट हुँदै घर आउदै गरेको फोनमा जानकारी दिएको नेपालीले बताए।
माघे संक्रान्तिको दिन रिडी मेलामा गएकी इस्मा गाउँपालिका-६, बुल्मकी एक महिला भने अझै परिवारको सम्पर्कमा नआएको छिमेकीले बताएका छन। ती महिलाका परिवारलाई निवेदन दिन आउन जिल्ला प्रहरी प्रमुख एसपी नवीन किशोर प्रधानको सुझाव छ।
रिडी मेलामा गुल्मीकी एक महिला बेपत्ता
|
ओझेलका खबरलाई फेसबुक, एक्स, इन्स्टाग्राम वा टिकटकमा फ्लो गर्नुहोस्। कार्यक्रम ओझेलका खबर र ओझेलका खबर डटकम विशेष रिपोर्टहरु हेर्न Ojhelka Khabar TV युट्युब च्यानल सब्स्क्राइब गर्नुहोस्।
|
