गुल्मी: गुल्मीमा भुस्याहा कुकुरले टाेक्दा १७ जना घाइते भएका छन्। जिल्लाकाे रुरुक्षेत्र गाउँपालिका र छत्रकाेट गाउँपालिकामा बुधबार र बिहीबार कुकुरले टाेक्दा १७ जना घाइते भएको जिल्ला प्रहरी कार्यालय गुल्मीका सूचना अधिकारी प्रहरी नायब उपरीक्षक डिल्लीनारायण पाण्डेले जानकारी दिए।
घाइतेकाे स्थानीय प्राथमिक स्वास्थ्य केन्द्रमा प्राथमिक उपचार गरि मिसन अस्पताल पाल्पामा थप उपचारको लागि पठाइएको प्रहरीले जनाएको छ। कुकुरले अधिकांशकाे खुट्टामा टाेकेर घाइते बनाएको छ ।
कुकुरले टाेकेर घाइते मध्ये १३ वर्षीय किशोरदेखि ७५ वर्षीया महिलासम्म रहेका छन् । जिल्ला प्रहरी कार्यालय गुल्मीले भुस्याहा कुकुरदेखि सावधान रहन आग्रह गरेको छ ।
प्रहरीले स्थानीयसँगकाे सहजीकरणमा टाेक्दै हिड्ने भुस्याहा कुुकुरलाई नियन्त्रणमा लिएको छ । केही समय अगाडि गुल्मीको सदरमुकाम तम्घासमा पनि भुस्याहा कुकुरले टाेकेर थुप्रैलाई घाइते बनाएको थियो। -फाइल तस्वीर
