गुल्मी महोत्सवमा २४ गते (भोलि) इन्द्रेणी समूह आउँदै

गुल्मी: गुल्मीको उपल्लो तम्घासमा भइरहेको ऐतिहासिक प्रथम गुल्मी महोत्सवमा इन्द्रेणी समूह आउँदैछ। गत १५ गतेबाट सुरु भएको महोत्सवमा २४ गते कृष्ण कँडेलको नेतृत्वमा इन्द्रेणी समूह आउन लागेको उद्योग संघ गुल्मीका अध्यक्ष नवराज भुसालले जानकारी दिए ।

गुल्मी उद्योग संघले कार्तिक १५ देखि २५ गतेसम्म गुल्मीमा आयोजना गरेको महोत्सव संचालन भइरहेको छ । उक्त महोत्सवको १५ गते रेसुङ्गा नगरपालिका प्रमुख खिलध्वज पन्थीले उद्घाटन गरेेका थिए ।

महोत्सवले जाउँ हिड रेसुङ्गा अभियानलाई साथ दिँदै पर्यटन प्रबर्द्धनमा टेवा पुराउने उद्देश्य लिएकाे छ । महोत्सवमा तीन सय २० वटा स्टल रहेका छन् ।