अनिष पन्थी, गुल्मी: गुल्मीमा हुने प्रथम पालिकास्तरीय भलिबल प्रतियोगिताको तयारी अन्तिम चरणमा पुगेको छ । कार्तिक १५ गतेदेखि १८ गतेसम्म संचालन हुने पालिकास्तरीय भलिबल प्रतियोगिताको तयारी अन्तिम चरणमा पुगेको आयोजक जिल्ला भलिबल संघ गुल्मीले जानकारी दिएको छ।
पालिका स्तरिय भलिबल् प्रतियोगितामा पुरुष र महिला तर्फ जिल्लाका अधिकांश पालिकाले नै समुह दर्ता गरेको जिल्ला भलिबल संघ गुल्मीका अध्यक्ष राजन कुँवरले जानकारि दिए ।
अहिले खेल् सन्चालान हुने स्थान चिदिचौर खेलमैदानमा मैदान मर्मतको काम चलिरहेको छ । चार दिनसम्म सदरमुकाम तम्घासको चिदिचौर खेलमैदानमा हुने भलिबल कपमा पुरुष तर्फको प्रथम पुरस्कार ७७ हजार ७ सय ७७ दृतिय पुरस्कार ५५ हजार ५ सय ५५ तृतीय पुरस्कार ३३ हजार ३ सय ३३ र सान्त्वना पुरस्कार ११ हजार १ सय ११ सहित कप मेडल र प्रमाणपत्र रहेको जिल्ला भलिबल संघ गुल्मीका महासचिव नारायण आचार्यले जानकारी दिए ।
यस्तै महिला तर्फ प्रथम पुरस्कार ३५ हजार दृतिय पुरस्कार २५ हजार तृतीय पुरस्कार १५ हजार र सान्त्वना पुरस्कार १० हजार सहित शिल मेडल प्रमाणपत्र रहेको महासचिव आचार्यले जानकारी दिए । कपको मुख्य प्रयायोजक गुल्मीकै पहिलो अन्तर्राष्ट्रिय भलिबल खेलाडी रेसुङ्गा नगरपालिका दुई निवासी प्रेम कुँवर रहेको आयोजकले जनाएको छ ।
कुँवर जिल्ला,अन्चल र देशको नेतृत्व गर्दै अन्तर्राष्ट्रिय स्तरमा पुग्दै दुई पटकसम्म साउथ एसियन कप खेलेको आयोजकले जानकारी दिएको। जिल्लाका स्थानीय तह बिचको आत्मीयता बढाउन, रेसुङ्गा, अर्जुन, उनाएचौर जस्ता धार्मिक एवं पर्यटकीय स्थलको प्रचारमा टेवा पुर्याउन साथै व्यपार व्यवसायीको प्रबर्द्धन गर्नु पनि कपको उदेश्य रहेको आयोजकले बताएको छ ।
|
ओझेलका खबरलाई फेसबुक, एक्स, इन्स्टाग्राम वा टिकटकमा फ्लो गर्नुहोस्। कार्यक्रम ओझेलका खबर र ओझेलका खबर डटकम विशेष रिपोर्टहरु हेर्न Ojhelka Khabar TV युट्युब च्यानल सब्स्क्राइब गर्नुहोस्। |
