धुर्कोट दरबारमा दशैँ पुजा सम्बन्धि विभिन्न निर्णय

सुशील पन्थी, गुल्मी: आज घटस्थपना पुजा गरे लगत्तै गुल्मीको धुर्कोट दरबार खड्कछ्त्रकोट पुजा ब्यबस्थापन समितिको बैठकले पुर्णिामा सम्म गरिने दशै पुजा सम्बन्धि विभिन्न निर्णय गरेको छ ।

समितिका उपाध्यक्ष जयप्रताव थापाको अध्यक्षता र धुर्कोट गाउँपालिका उपाध्यक्ष सीता गिरिको प्रमुख आतिथ्यतामा बसेको बैठकले निम्न निर्ण्स्री गरेको कोषाध्यक्ष लोकबहादुरखत्रीले जानकारी दिए ।
– घटस्थापन सम्बन्धमा : २०८० को बडादशैको शुभारम्भ स्वरुप घटस्थापना पुजा ११.३२ मा बिधिवत रुपमा सम्पन्न गरियो ।
– आज देखि ९ दिन सम्म नवरात्री पुजा धार्मिक परम्परा अनुसार गर्ने निर्णय गरियो
– पाठा पाडाको रगत मुढ र जोडि परेवाको पानी समाउने सम्बन्धमा रगतको दुई हजार , पाठाको मुढ ४५०, पाडाको ३५० र परेवाको ३०० मूल्य निर्धारण गरियो ।
– पुजारी र उपासुहरुको पारिश्रमिक मुल पण्डित दैनिक १३०० , क्षेत्री उपासु एकमुष्ट ५५०० , फुलपाती टिप्नेको एकमुष्ट १०५०, दुर्गामन्दिर पुजारी २१०० र बाजा मर्मतका लागि ४००० दिने निर्णय गरियो ।
– समितिले कोट पटाङ्गिनी देखि ५०० मिटर क्षेत्रलाई मदिरा निषेधित क्षेत्र घोषणा गरिएको छ । यदि कसैले अवज्ञा गरे कानुन अनुसार कार्बाहिको चेतवानी दिईएको छ ।
– त्यस्तै पुर्णिमाको दिन दिउँसो ११ बजे देखि ५ बजे सम्म सरायनाच खेलिने कोषाध्यक्ष खत्रीले जानकारी दिए ।
बैठक्व्लाई सम्बोधन गर्दै गाउँपलिका उपाध्यक्ष गिरिले गरिएका निर्णय अक्षरस पालना गर्दै परंरागत प्रचलन अनुसार दशै पुजा सम्पन्न गर्ने र श्रद्धालु भक्तजनलाई सहज पुजापाठ्स्को ब्यबस्थापन गर्न समितिलाई आग्रह गरिन । बैठकमा सुरक्षा निकायको तर्फबाट वस्तु प्रहरी चौकीबाट प्रहरी , समिती र अन्य सरोकारवाला सहभागी थिए ।