जाउँ हिँड रेसुङ्गाको म्याराथनमा मुसिकोट प्रथम

गुल्मी: गुल्मीको रेसुङ्गा नगरपालिकाले संचालन गरेको जाउ हिड रेसुङ्गा अभियान अन्तर्गत आयोजित १० किलो मिटर पुरुष खुल्ला म्याराथन दौड प्रतियोगितामा मुसिकोट नगरपालिकाका धावक प्रथम भएका छ्न ।

गुल्मी सहित ६ वटा जिल्लाका दिग्गज प्रतियोगीलाई पछाडी पार्दै मुसिकोट नगरपालिका -८ वामीका धावक भुवन खत्री प्रथम हुन सफल भएका हुन ।

तम्घास लाकुरिमन्च देखि रेसुङ्गाको महादेवपोखरी सम्म १० किलो मिटर म्याराथन दौड खत्रीले जम्मा ३५ मिनेट मै पार गरेका थिए । उनले नेपाली सेनाका धावकलाई पछाडी पारेका हुन । संग्राम शार्दुल गुल्म , धागिथुम ब्यारेकका शुक्र रोकाय दृतिय र अर्घाखाँचीको सन्धिखर्क नगरपालिका- १ का रोहित अधिकारी तृतीय र तम्घास खानिगाउँका ६१ बर्षिय प्रकाश भलामी र ५१ बर्षिय मोहन बहादुर थापाले म्याराथनमा उल्लेखित युवाहरूलाई आत्थुआत्थु पार्दै सन्तवाना पुरस्कार प्राप्त गरेका थिए ।

बिजेताहरुलाई प्रमुख अतिथी रेसुङा नगरपालिकाका मेयर खिलध्वज पन्थीले नगद पुरस्कार , मेडल र प्रमाणपत्र प्रदान गर्दै बधाई दिदै सहभागी सबैलाई धन्यवाद दिएका थिए ।

पुरस्कार राशी क्रमशः १५, ८ , ५ र २ हजार रहेको थियो ।

यस प्रतियोगितामा कास्की , पाल्पा,रुपन्देही ,अर्घाखाँची ,मुगु र गुल्मी लगायतका जिल्लाका प्रतियोगी सहभागी भएर रेसुङ्गाको प्रचारमा टेवा पुगेको छ ।

प्रतियोगिताको रेसुङ्गा नगरपालिकाका मेयर खिलध्वज पन्थिले उद्घाटन गरेका थिए । उनले नगरपालिकाले संचालन गरेको जाउ हिड रेसुङ्गा अभियानलाई सफल पार्न यी र यस्ता विभिन्न कार्यक्रम संचालन गरिदै आएको बताए ।

पहिलो पटक रेसुङ्गामा म्याराथन दौडले त्यहाँको प्रचार प्रसारमा टेवा पुग्ने प्रमुख जिल्ला अधिकारी लगायतका अतिथीहरुले बताए । आयोजक संस्था जिल्ला खेल्कुद बिकास समिती अध्यक्ष गिरिप्रसाद महाकिमले सहभागी प्रतियोगीलाई स्वागत गर्दै धन्यवाद दिएका थिए । समितिका कार्यालय प्रमुख डिल्ली बिकका अनुसार यस अघि तम्घास -रेसुङ्गा म्याराथन दौड प्रतियोगिता भएको रेकर्ड भेटिदैन ।

प्रतियोगिताको मुख्य प्रायोजक रेसुङ्गा नगरपालिका रहेको छ ।

यति महत्वपूर्ण कार्यक्रममा पत्रकारहरुलाई खबर नगरिएको धेरैको गुनासो थियो । कार्यक्रममा विभिन्न राजनैतिक दल , संघ संस्था, वडाध्यक्ष सहितका जनप्रतिनिधि , कार्यालय प्रमुख , सुरक्षा निकाय प्रमुख लगायतको सहभागिता थियो ।