गुल्मी: बागलुङको बडिगाड गाउँपालिका वडा नं-७, भिमगिठेका चन्द्रकला लम्साल भिरबाट लडेपछि शारिरिक रुपमा अशक्त भई लामो समयदेखि विस्तारामा थलिनुभएको थियो। उहाँको अवस्थाको बारेमा झण्डै २ महिना अगाडी जिटिभि नेपालको टोली उहाँको वास्तविक अवस्थाको बारेमा स्थलगत रिपोर्टिङका लागि त्यहाँ पुगेका थियौँ ।
झण्डै ७ महिना विस्तारामा थलिनुभएका उहाँको अवस्था भिडियो सामाग्री मार्फत प्रशारण गरेपश्चात उहाँको उपचारका लागि सहयोग जुटाउन सफल भयौँ । लगत्तै उहाँलाई उपचारका लागि बुर्तिबाङ प्राथमिक स्वास्थ्य केन्द्रमा पठाएका थियौँ । हिजो शुक्रवार पुनः उहाँको घरमा पुग्दा उहाँ पूणर्रुपमा निको भई दैनिक कामकाज समेत गर्न सक्ने हुनुभएछ ।
उहाँ खुसी मात्रै हुनुभएन आफुले पुर्नजीवन पाएको भन्दै हामीलाई र सहयोगीहरुलाई धन्यवाद व्यक्त गर्नुभयो । संगै उहाँका ५ वर्षीय छोरालाई हाल बेलायतमा रहनुहुने आदरणीय दाई रिगल वाईजोले १० कक्षासम्म अध्ययनमा सहयोग गर्ने प्रतिबद्धता जनाउनुभएको छ ।
त्यस्तै चन्द्रकला जीलाई थप उपचारका लागि हाल अमेरीकामा रहनुहुने मिचा राईले नगद रु. १० हजार रुपैयाँ पठाउनुभएको थियो । उक्त सहयोग पनि आज नै हस्तान्तरण गरेका छौँ । परोपकारी पत्रकारितालाई अंगाल्दै अझै देशका असहाय र अपांगता भएकाहरुलाई सहयोग गर्ने हाम्रो यात्रा निरन्तर अगाडी बढिरहनेछ ।
विभिन्न समयमा हाम्रो कर्ममा जोडिएर देश विदेशबाट निरन्तर सहयोग पठाउनुहुने आदरणीय सहयोगी महानुभावहरु प्रति हार्दिक आभार व्यक्त गर्न चाहान्छौँ ।
– जिटिभि नेपाल अनलाईन सुचना केन्द्र प्रा.लि
मुसिकोट न.पा.-७, वामीटक्सार, गुल्मी
ओझेलका खबरलाई फेसबुक, एक्स, इन्स्टाग्राम वा टिकटकमा फ्लो गर्नुहोस्। कार्यक्रम ओझेलका खबर र ओझेलका खबर डटकम विशेष रिपोर्टहरु हेर्न Ojhelka Khabar TV युट्युब च्यानल सब्स्क्राइब गर्नुहोस्। |