गुल्मी: निरन्तरको वर्षाका कारण पहिरो खसेपछि गुल्मीको रिडी–वामीटक्सार र रिडी–अर्घाखाँची सडक खण्ड अवरुद्ध भएकाे छ। सत्यवती गाउँपालिका-५ बाँदरेभिरमा पहिराे खसेपछि रिडी–वामीटक्सार सडक गएरातिदेखि अवरुद्ध भएकाे हो।
यस्तै, रुरुक्षेत्र गाउँपालिका-१ साखरमा गएकाे पहिराेका कारण रिडी–अर्घाखाँची सडक हिजाे दिउँसाेदेखि बन्द छ । यी सडक खण्ड अवरुद्ध भएपछि गाडीबीच बाटाेमै राेकिएका छन् ।
रिडी–वामीटक्सार सडककाे पहिराे बिहानैदेखि पन्छाउने काम भइरहेकाे जिल्ला प्रहरी कार्यालय गुल्मीले जनाएको छ । यस्तै, रिडी–अर्घाखाँची सडक खण्डमा पनि पहिरो पन्छाउने काम भइरहेको तर ठूला ढुङ्गा खसेका कारण सडक सञ्चालनमा ल्याउन समस्या भइरहेकाे बताइएकाे छ ।
गएकाे तीन दिनदेखिकाे लगातारकाे वर्षाका कारण गुल्मीकाे तम्घास आउने ग्रामीण सडकहरु पनि बीचबीचमा अवरुद्ध भएका छन् । जिल्ला प्रशासन कार्यालय गुल्मीले खोला किनार र पहिरो जान सक्ने क्षेत्रका बासिन्दाहरुलाई सतर्क रहन र सुरक्षित ठाउँमा बसाेबास गर्न आग्रह गरेको छ । –जनार्दन घिमिरे, उज्यालो
|
ओझेलका खबरलाई फेसबुक, एक्स, इन्स्टाग्राम वा टिकटकमा फ्लो गर्नुहोस्। कार्यक्रम ओझेलका खबर र ओझेलका खबर डटकम विशेष रिपोर्टहरु हेर्न Ojhelka Khabar TV युट्युब च्यानल सब्स्क्राइब गर्नुहोस्। |
