सन्तोष महतारा, गुल्मी: गुल्मीको तम्घासमा संचालन भएको पुल्चाेक कप-२०८० को उपाधि रिडर्स पब्लिक हाई स्कुलले जितेको छ। गत चार दिनदेखि चलिरहेको पुल्चाेक कप (छात्रा फुटबल) को फाइनल खेलमा महेन्द्र नमुना माध्यमिक विद्यालयलाई ४-० गाेल अन्तरले रिडर्स पब्लिक हाई स्कुलले पराजित गरेको हो।
कक्षा १० सम्मका ११ विद्यालय सहभागी खेलमा सेमिफाइनल चरणमा सिद्धबाबा माध्यमिक विद्यालय र रिडर्स पब्लिक हाई स्कुल खेलेका थिए । जसमा पेनाल्टी सुट आउटमा ४-१ गाेल अन्तरले रिडर्स पब्लिक हाई स्कुलले फाइनल खेलकाे लागि पक्का गरेको थियो । त्यस्तै सेमिफाइनल चरणमा महेन्द्र नमुना माध्यमिक विद्यालय र अर्जुन आवसीय इङलिस बोर्डिङ स्कुल खेलेका थिए । उक्त खेलकाे पेनाल्टी सुट आउटमा ६-५ गोल अन्तरले महेन्द्र नमुना माध्यमिक विद्यालयले अर्जुन बोर्डिङ स्कुललाई पराजित गरेको थियो।
त्यसपछि, पुल्चोक कप २०८० को फाइनलमा महेन्द्र नमुना माध्यमिक विद्यालय र रिडर्स पब्लिक हाई स्कुलले फाइनल खेलको लागि पक्का गरेका थिए । फाइनल खेलमा रिडर्स पब्लिक हाई स्कुलले महेन्द्र नमुना माध्यमिक विद्यालयलाई फराकिलो अन्तरमा आफूलाई पुल्चोक कप २०८० को उपाधि हासिल गराएको हो।
पुल्चोक कप २०८० को बिजेता रिडर्स पब्लिक हाई स्कुलले नगद ३० हजारसहित शिल्ड, मेडल र प्रमाणपत्र प्राप्त गरेको छ । त्यस्तै उपविजेता महेन्द्र नमुना माध्यमिक विद्यालयले नगद २० हजारसहित शिल्ड, मेडल र प्रमाणपत्र प्राप्त गरेको छ ।
|
ओझेलका खबरलाई फेसबुक, एक्स, इन्स्टाग्राम वा टिकटकमा फ्लो गर्नुहोस्। कार्यक्रम ओझेलका खबर र ओझेलका खबर डटकम विशेष रिपोर्टहरु हेर्न Ojhelka Khabar TV युट्युब च्यानल सब्स्क्राइब गर्नुहोस्। |
