डिबी खड्का, गुल्मी: सदरमुकाम तम्घासमा चलेको चौथो पुल्चोक कप २०८० मा महेन्द्र नमुना माद्यामिक विद्यालय फाइनल प्रवेश गरेको छ।
उसले आज भएको पहिलो सेमिफाइनल खेलमा अर्जुन इङलिस बोर्डिङ स्कुललाई पेनाल्टी सुट आउटमा ६-५ ले पराजित गर्दै फाइनलको यात्रा तय गरेको हो ।
निर्धारित समय सम्म र थपिएको अतिरिक्त १५ मिनेट सम्म दुबै टोली बाट गोल नभए पछि खेल पेनाल्टी सुट आउटमा धकेलिएको थियो ।
पहिलो पेनाल्टी सुट आउट ३/३ को बराबरीमा सकिए पछि पुनः पेनाल्टी हुँदा महेन्द्र माविका तीन जना खेलाडीले गोल गरे भने अर्जुनका दुई जना मात्रै खेलाडी गोल गर्न सफल भए ।
खेल अवधि भर दुवै टोलीले उत्कृष्ट मौका पाए पनि गोल गर्न चुकेका थिए ।
आजै हुने दोस्रो सेमिफाइनलमा तीन पटकको विजेता सिद्धबाबा मावी र रिर्डस पब्लिक हाइ स्कुल बिच खेल हुनेछ ।
कमेन्ट गर्नुहोस्
