गुल्मी: तीजको नाचगान हेर्न गएका गुल्मीका २३ वर्षीय युवा प्युठानमा मृत फेला परेका छन्। जिल्लाकाे मदाने गाउँपालिका वडा नम्बर ६ का कपिल कुँवर मृत फेला परेका हुन् ।
प्रहरीका अनुसार उनी तीजको दिन असाेज १ गते प्युठानकाे झिमरुक गाउँपालिका वडा नम्बर १ बालुवाखोला तिजको नाच हेर्न भनी गएका थिए । तर, असाेज ३ गतेसम्म पनि घर नआएपछि घरपरिवारले प्रहरीमा जानकारी गराएका थिए ।
इलाका प्रहरी कार्यालय पुर्काेट दहले त्यसपछि खाेजी कार्य सुरु गरेको थियो । खाेजी कार्यकाे क्रममा असाेज ४ गते दिउँसो साढे १२ बजे प्युठानको झिमरुक गाउँपालिका वडा नम्बर ४ सुसानेपहरामा घोप्टो अवस्थामा मृत फेला परेको प्रहरीले जनाएको छ ।
मृत्यु हुनुको कारण नखुलेको र घटनाबारे थप अनुसन्धान भइरहेको छ । मृतकको शव पाेष्टमार्टमकाे लागि गुल्मी अस्पतालमा ल्याइएको छ ।
|
ओझेलका खबरलाई फेसबुक, एक्स, इन्स्टाग्राम वा टिकटकमा फ्लो गर्नुहोस्। कार्यक्रम ओझेलका खबर र ओझेलका खबर डटकम विशेष रिपोर्टहरु हेर्न Ojhelka Khabar TV युट्युब च्यानल सब्स्क्राइब गर्नुहोस्। |
