टोपलाल अर्याल, गुल्मी: दक्षिण एसियाली बक्सिङ्ग खेलमा २ स्वर्ण र एक रजत पदक विजेता दल बहादुर रानाको स्मृतिमा शालिक निर्माण सुरु गरिएको छ।
रेसुंगा नगरपालिका-४, सेउघामा रानाको शालिक शिलन्यास गरिएको छ । रेसुंगा नगरपालिकाका मेयर खिलध्वज पन्थीले शालिकको शिलन्यास गर्दै देशसंगै जिल्लामा खेल क्षेत्रमा महत्वपूर्ण योगदान पुराउने दल बहादुरको सम्मान र सम्झनामा शालिक निर्माण गरिएको बताए ।
नगरपालिकाले वडा मार्फत विनियोजन गरेको चार लाख बजेटबाट शालिक निर्माण सुरु गरिएको छ । करिव २० लाखको बजेट अनुमान भएपनि क्रमश काम गर्दै जाने दल बहादुरका भाई चिन्ता राना मगरले बताए।
दल बहादुर बुबा तुलक र आमा गोमता राना मगरको साइलो छोराको रुपमा २०१८ सालमा जन्मिएका हुन् । राना नेपाल प्रहरीका प्रहरी निरीक्षक थिए । दक्षिण एसियाली बक्सिङ्गसंगै दुई दर्जन बढि अन्तराष्ट्रिय प्रतियोगीताहरुमा सहभागी भएर पदकहरु जितेका छन् ।
दल बहादुरले गुल्मी जिल्लामा पहिलो पटक देशभरका खेलाडी सहभागी गराएर ०४२ सालमा राष्ट्रिय जुनियर बक्सिङ्ग प्रतियोगीता गराएका थिए । उनी गोरखा दक्षिणबाहुबाट पनि सम्मानित भएका छन् । जटिल रोगका कारण दल बहादुरको ०५५ सालमा मृत्यु भएको हो ।
ओझेलका खबरलाई फेसबुक, एक्स, इन्स्टाग्राम वा टिकटकमा फ्लो गर्नुहोस्। कार्यक्रम ओझेलका खबर र ओझेलका खबर डटकम विशेष रिपोर्टहरु हेर्न Ojhelka Khabar TV युट्युब च्यानल सब्स्क्राइब गर्नुहोस्। |