गुल्मी: गुल्मीको रुरुक्षेत्र गाउँपालिकाले बोल्ड निर्णय गरेको छ। बैशाख ७ गते बसेको कार्यपालिकाको बैठकले उक्त निर्णय गरेको हो । यो निर्णय सङ्ग अब रुरुक्षेत्र गाउँपालिकाका जनप्रतिनिधि, गाउँपालिका भित्र कार्यरत राष्ट्र सेवक कर्मचारी तथा शिक्षकहरुले आफ्ना छोराछोरी अनिवार्य रुपमा सामुदायिक विद्यालयमा पढाउनु पर्ने छ ।
शैक्षिक गुणस्तर वृद्धि गर्नको लागि सो निर्णय गरिएको अध्यक्ष यदु ज्ञवालीले बताए ।
कार्यपालिका बैठकमा सामुदायिक विद्यालयमा शैक्षिक गुणस्तर वृद्धि कसरी गर्न सकिन्छ भन्ने विषयमा महिला सदस्यले राखेको यो प्रस्ताव सर्वसम्मत पास भएको अध्यक्ष ज्ञवाली उल्लेख गरे ।
त्यस्तै यता निर्णय कार्यान्वयनको लागि गाउँपालिका कडाइका साथ लागेको शिक्षा शाखाका प्रमुख झवीलाल विकले बताए ।
सम्पुर्ण वडा कार्यालय , विद्यालय तथा सम्बन्धि ठाँउमा पत्रचार गरिएको र निर्णयलाई प्रभावकारी बनाउन गाउँपालिकाको टिम लागि परेको उनले बताए ।
साथै निर्णय कार्यान्वयनमा चुनौती रहेतापनी १/२ दिन भित्रै नतिजा देखिने गरि काम गरिरहेको शिक्षा शाखाको दावी रहेको छ ।
|
ओझेलका खबरलाई फेसबुक, एक्स, इन्स्टाग्राम वा टिकटकमा फ्लो गर्नुहोस्। कार्यक्रम ओझेलका खबर र ओझेलका खबर डटकम विशेष रिपोर्टहरु हेर्न Ojhelka Khabar TV युट्युब च्यानल सब्स्क्राइब गर्नुहोस्।
|
