बागलुङ: नेपालकै एकमात्र शिकार आरक्ष ढोरपाटन शिकार आरक्ष क्षेत्रमा प्याराग्लाइडिङकाे परीक्षण उडान शुरु गरिएको छ ।
नेपाल नागरिक उड्डयन प्राधिकरणको स्वीकृतिमा ढोरपाटन नगरपालिकाकाे वडा नम्बर ९ र ६ मा परीक्षण उडान शुरू गरिएकाे हाे ।
ढोरपाटन नगरपालिकाको आर्थिक सहयोगमा ढोरपाटन क्षेत्रमा प्याराग्लाइडिङ परीक्षण पटके उडान अनुमति प्रदान गरिएको नागरिक उड्डन प्राधिकरणका उपप्रबन्धक चुडाबहादुर खड्काले जानकारी दिए । उनका अनुसार ब्लू इस्काई प्याराग्लाइडिङ प्रालि पोखराले चैत २३ देखि २५ गतेसम्म परीक्षण उडानको जिम्मा पाएकाे छ । प्रालिले उडान सञ्चालन समाप्त भएपछि सो प्रतिवेदन नेपाल नागरिक उड्डयन प्राधिकरणलाई बुझाउनुपर्नेछ ।
शुक्रबार ढोरपाटनको मसिनधाराबाट उडान शुरु गरिएको प्याराग्लाइडिङ तल्लोचौरमा सफल ल्याण्ड गरिएको ढोरपाटन नगरपालिकाका उपप्रमुख कल्याण कायतले जानकारी दिए ।
‘ढोरपाटन नगरपालिकाबाट हामीले परीक्षण उडान भनेर ३ लाख रुपैयाँ रकम विनियोजन गरेको थियौं,’ उपप्रमुख कायतले न्यूज खरीसँग भने, ‘ वन्यजन्तु संरक्षण विभागकाे सहमतिपछि आर्मी क्याम बाहिर प्याराग्लाइडिङले परीक्षण उडान गरेको छ ।’
उनका अनुसार बिहान ८ बजेदेखि दिउँसो ३ बजेभित्र परीक्षण उडान गरिनेछ ।
|
ओझेलका खबरलाई फेसबुक, एक्स, इन्स्टाग्राम वा टिकटकमा फ्लो गर्नुहोस्। कार्यक्रम ओझेलका खबर र ओझेलका खबर डटकम विशेष रिपोर्टहरु हेर्न Ojhelka Khabar TV युट्युब च्यानल सब्स्क्राइब गर्नुहोस्। |
