बाबुको ठेगान नभएका बच्चालाई मावलीको थरमा जन्मदर्ता गृह मन्त्रालयको गर्न सर्कुलर

काठमाडौँ: एकल महिलाबाट जन्मेका र बाबुको ठेगान नभएका बच्चाको जन्मदर्ता गर्न गृह मन्त्रालयले देशभरका स्थानीय तहमा सर्कुलर गरेको छ।

राष्ट्रिय परिचयपत्र विभाग तथा पञ्जीकरण विभागले अबदेखि त्यस्ता बच्चाको जन्मदर्ता गर्ने विषयमा दोहोरो दर्ता नहुने गरी दर्ता गर्न सर्कुलर गरेको हो।

अबदेखि त्यस्ता बच्चाको जन्मदर्ता मामलीको थरमा हुने भएको छ। विवाह अघि जन्म भएको तर पिताको ठेगान नभएका बच्चा भएको एकल महिलाले विवाह गरी बच्चासहित पतिको ठेगानमा सँगै बसेको भए उक्त बच्चाको मावलीकै थर राखी आमाको हालको स्थायी ठेगानामा जन्म दर्ता गरिदिन भनिएको छ।

विवाह अघि जन्म भएको तर पितृत्वको ठेगान नभएका बच्चा भएको एकल महिलाले विवाह गरी पतिसँगै बसेको तर उक्त बच्चा मावलीमै बसेको भए मावलीकै थर र ठेगानामा आमालाई सूचक राखी जन्मदर्ता गरिदिन भनिएको छ।

तर पछि बाबुको ठेगान पत्ता लागेको अवस्थामा पहिलेको जन्मदर्ता रद्द गरी बाबुको ठेगानाबाट नयाँ जन्म दर्ता गरिने भएको छ।