आर्थिक अभावमा गुल्मीकी हिराको उपचारमा समस्या, सहयोगको अपिल

गुल्मी: अपाङ्गता भएका व्यक्तिहरु र समाजमा पिछडिएका वर्गको हक र हित संरक्षणमा योगदान पुर्याउदै आएको संस्था जिउँदो सालिक फाउन्डेसन (सालिक खत्री फाउन्डेसन) ले मुटु र मृगौला सम्बन्धी गम्भीर रोगहरुबाट पिडित मुसिकोट नगरपालिका-१, अरेवाकी हिरा रायमाझीको उपचारार्थ आर्थिक सहयोग संकलन गर्ने अभियान सञ्चालन गरेको छ।

मुसिकोट नगरपालिका, वामी, टोड्के माइती भएकी रायमाझी मुटु र मृगौला सम्बन्धी रोग, डेंगु, मधुमेह र थाइराइड सम्बन्धी रोगले ग्रसित भई हाल बुटवल स्थित मुटु अस्पतालमा उपचाररत रहनुभएको त्यहाँबाट मिरा रायमाझीले बताउनुभयो। परिवारको कमजोर आर्थिक अवस्था, सानै उमेरका छोराछोरी र श्रीमान पनि अस्वस्थ भएकोले उक्त परिवारको दयनीय अवस्था रहेकोले सहयोगको याचना गर्नुपरेको उहाँले बताउनुभयो।

हिरा रायमाझी केसीको उपचारको क्रममा आर्थिक अभाव सिर्जना भएकोले सहयोगको अपिल गर्नुपरेको र उहाँको जीवन रक्षार्थ आर्थिक सहयोग प्राप्त हुने विश्वास लिएको जिउँदो सालिक फाउन्डेसनका संस्थापक सालिक खत्रीले बताए।

उहाँको उपचारार्थ यस संस्था मार्फत सहयोग गर्न इच्छुक महानुभावहरुले जिउँदो सालिक फाउन्डेसन नामक फेसबुक प्रोफाइल वा ग्रुप मार्फत सम्पर्क गर्न सक्नुहुन्छ।

यस अभियानका बारेमा विस्तृत जानकारीका लागि मोबाइल नम्बर ९८६६५५२८७२ मा कल वा [email protected] मा इमेल पनि गर्न सकिने संस्थाले जानकारी गराएको छ। ओझेलका खबर डटकम यस संस्थाको मिडिया पार्टनर रहेको छ।

हालसम्म सहयोग उपलब्ध गराउने महानुभावहरुको नामावली यसप्रकार रहेको छ:

वामी-विश्व सम्पर्क मञ्च, अस्ट्रेलिया शाखाबाट (अष्ट्रेलियन मुद्रामा)