मुसिकोट-७ का काफ्लेद्वारा आफ्नो जन्मदिनको अवसरमा श्रीराम मन्दिरमा आर्थिक सहयोग

भुवन काफ्ले ‘अञ्जान’, गुल्मी: गुनाखर काफ्ले र भागिरथी काफ्लेका छोरा जनक काफ्लेले बुधबार परेको आफ्नो शुभ जन्मदिनको अबसर पारि मुसिकोट नगरपालिका वडा नम्बर ७ काफलटोलामा रहेको श्रीराम मन्दिरलाई नगद तिन हजार रुपैया सहयोग गर्नुभएको हो।

मुसिकोट नगरपालिका-७, काफल्टोलामा रहेको श्री भगवती प्राविका शिक्षक समेत रहनु भएका युवा काफ्लेले आफु २६ औ वसन्त पार गरी २७ औँ वसन्तमा प्रवेश गरेको सुअवसरमा आफ्नो गाउँमा रहेको श्रीराम मन्दिरमा एक महिनाको पूजा संचालन खर्च बराबरको रकम सहयोग गरेको काफ्लेले बताउनुभएको छ ।

पछिल्लो समय फजुल खर्च गरि जन्मदिन मनाउने चलन भएपनि शिक्षक काफ्लेले भने आफ्नो जन्मदिनको अवसरमा धार्मिक काममा खर्च गर्नुभएको हो।

मन्दिरको पूजा व्यवस्थापनका लागि प्राप्त आर्थिक सहयोग ग्रहण गर्दै पूजा व्यवस्थापन समितिका अध्यक्ष नारायण काफ्लेले जन्मदिन परेका जनक काफ्लेलाई सफलताको शुभकामाना व्यक्त गर्दै उहाँको सम्पूर्ण परिवारको शु-स्वस्थ्य, दिर्घायु र उत्तर उत्तर प्रगतीको कामाना गर्दै सम्पूर्ण श्रीराम मन्दिर परिवारको तर्फबाट धन्यवाद समेत ब्यक्त गर्नुभयो।