गुल्मीमा जिप दुर्घटना हुँदा पाँच जनाको मृत्यु

गुल्मी: गुल्मीको सत्यवती गाउँपालिका, ठुलाेलुम्पेक कुडडाँडामा जिप दुर्घटना भएको छ। दुर्घटनामा ५ जनाकाे मृत्युु र ५ जना घाईते भएका छन।

घाईतेलाई उपचारकाे लागि पाल्पा पठाईएकाे पत्रकार कविराज भुषालले बताउनु भयो। रिडीबाट घर फर्कने क्रममा राती करिब ३ बजे दुर्घटना भएकाे बताईएकाे छ।

अपडेट: ठुलोलुम्पेकदेखि स्थानीय कुढडाडा जाँदै गरेको लु ३ च ५३४० जिप दुर्घटनामा परेको हो।

दुर्घटनामा जिपधनी ५१ वर्षका झलक सोमै, ५५ वर्षका टीका राहादी ४७ वर्षका रन बहादुर सिजापति, २५ वर्षका मिलन तरामु र ४३ वर्षकी जमुना सोमैको ज्यान गएको जिल्ला प्रहरी कार्यालय गुल्मीका प्रवक्ता प्रहरी नायब उपरीक्षक माधव खरेलले जानकारी दिए।

दुर्घटनामा ३३ वर्षीय कार्बोलिन सोमै, ३२ वर्षीय चेतमान सिङजाली, ४९ वर्षीय गिर बहादुर राहादी र खन्डन सोमै घाइते भएका छन। उनीहरुको पाल्पामा उपचार भइरहेको छ।