आज ८ बजे यो कम्पनीको आइपीओ बाँडफाँड हुने, यसरी हेर्नुहोस् रिजल्ट

काठमाडौं: सामलिङ्ग पावर कम्पनी लिमिटेडको आइपीओ आज (मङ्गलबार) बिहान ८:३० बजे बाँडफाँड हुने भएको छ। निष्कासन तथा बिक्री प्रबन्धक नेपाल एसबिआई मर्चेण्ट बैंकिङ्गकाे कार्यालयमा बिहान ८:३० बजे हुनेछ।

कम्पनीकाे आईपीओमा अन्तिम दिन सम्ममा २२ लाख ६५ हजार ६ सय ९८ जना आवेदकहरूले २ करोड ६९ लाख ३३ हजार ५ सय कित्ताका लागि आवेदन दिएका थिए। याे सर्वसाधारणका लागि माग गरिएकाे भन्दा ३९.६७ गुणा धेरै हो।

गाेलाप्रथाबाट बाँडफाँड गर्दा ६७ हजार ८ सय ९० जना आवेदकहरूले मात्रै १० कित्ता सेयर प्राप्त गर्नेछन्। बाँकी करिब २२ लाख आवेदकहरूकाे भने हात खाली हुनेछ।

कम्पनीले प्रतिकित्ता १०० रूपैयाँ अंकित दरमा ७ लाख ३० हजार कित्ता साधारण सेयर निष्कासन तथा बिक्री खुल्ला गरेको थियो। जसमध्ये २ प्रतिशत अर्थात १४ हजार ६ सय कित्ता सेयर कर्मचारीहरुका लागि र ५ प्रतिशत अर्थात ३६ हजार ५ सय कित्ता सेयर सामूहिक लगानी कोषका लागि छुट्याइएको थियाे। सर्वसाधारणले बाँकी ६ लाख ७८ हजार ९ सय कित्ताका लागि आवेदन दिन पाउथे।

यो पटक प्रबन्धकको वेबसाइटबाट छिटो नतिजा सार्वजनिक गर्ने तयारी रहेको स्रोतले जनाएको छ। नतिजाको लागि यहाँ जान सक्नुहुने छ।