गैँडाकोटमा वृद्धाको जलेर मृत्यु

नवलपुर, असोज १९: आज बिहान करिब साढे ७ बजेको समयमा जिल्लाको गैँडाकोट नगरपालिका-१०, सम्झना चोक स्थित एक वृद्धाको घरमै जलेर मृत्यु भएको प्रहरीले जनाएको छ।

त्यस टोलकी ७९ वर्षिया श्याम कुमारी श्रेष्ठ आफ्नै घरको भुईतलाको कोठामा आगलागी भई मृत फेला परेको जिल्ला प्रहरी कार्यालय नवलपुरले जनाएको हो।

सो कार्यालयका अनुसार उक्त खबर प्राप्त हुनासाथ तत्काल अस्थाई प्रहरी पोष्ट वेल्डिहाबाट ३ जनाको टोली घटनास्थलमा पुगेर उद्धार कार्यमा जुटेको थियो। त्यस्तै थप अनुसन्धानको लागि जिल्ला प्रहरी कार्यालयबाट कार्यालय प्रमुख (प्रहरी उपरीक्षक) को कमाण्डमा ११ जनाको टोली पुगेको जनाईएको छ।