गोर्खाली भ्वाइस लोक दोहोरी प्रतियोगिता सिजन ३ सम्पन्न

गुल्मी: नेपाल र नेपालीको पहिलो अनलाईन दोहोरी प्रतियोगिता गोर्खाली भ्वाइस लोक दोहोरी प्रतियोगिता सिजन ३ को समापन कार्यक्रम सम्पन्न भएको छ। कार्यक्रममा वरिष्ठ लोक गायक गायिका, प्रतियोगी तथा लोक गीत र संस्कृतिलाई माया गर्ने महानुभावहरुको उपस्थिति रहेको थियो।

प्रतियोगितामा सहभागी भई वसन्त गिरी र विष्णु थापा मगर प्रथम, अनुश अधिकारी र शिला गुरुङ द्वितीय, करण विसी, रिमा थापा र सञ्जिता चेपाङ तृतीय र अर्जुन न्यौपानेले सान्त्वना स्थान हासिल गर्न सफल भएको बताइएको छ।

देश विदेशमा छरिएर रहेका प्रतिभाहरुको प्रस्फुटन र प्रवर्द्धन गर्ने उद्देश्यले सञ्चालित यो कार्यक्रम गोर्खाली भ्वाइस फेसबुक पेज मार्फत सञ्चालन गरिएको थियो। यस कार्यक्रमलाई सफलतापूर्वक सम्पन्न गर्न सहयोग गर्ने सबै प्रति आभारी रहेको कार्यक्रमका निर्माता विश्वास आचार्यले बताउनुभयो।