Clean Water Campaign

Awareness Campaign

गुल्मीको पाञ्चायन ‍माविमा माओवादी केन्द्र विजयी



प्रेम सुनार
७ महिना अगाडि


Awareness

Place for ads

गुल्मी: गुल्मीको धुर्कोट स्थित पाञ्चायन माध्यमिक विद्यालयको विद्यालय व्यवस्थापन समितिमा नेपाली काङ्ग्रेसको समर्थनमा नेकपा माओवादी केन्द्रका उमेदवारहरु विजयी भएका छन।

धुर्कोट गाउँपालिका-४, जैसिथोक स्थित पाञ्चायन माध्यमिक विद्यालय व्यवस्थापन समितिको बिहिवार निर्वाचन भएको थियो।

त्यस विद्यालय स्थापनाको ६५ बर्षको इतिहासमा पहिलो पटक विद्यालय व्यवस्थापन समिति, त्यसमा पनि अध्यक्ष पदका लागि निर्वाचन हुँदा नेपाली काङ्ग्रेसको समर्थनमा एक जना विप्लव नेतृत्वको माओवादी कार्यकर्ता सङ्गै अन्य तीन जना माओवादी केन्द्रका उम्मेदवार विजयी भएको सो वडाका माओवादी केन्द्र वडा कमिटी अध्यक्ष लक्ष्मण विकले जानकारी दिए। नेपाली काङ्ग्रेस त्यस वडाका वडा कार्य समिति सभापति बाबुराम भण्डारीले पनि अघोषित माओवादी केन्द्रका उमेदवारहरु विजयी भएको बताए। उनले भने, ‘माओवादी केन्द्रका उमेदवारहरुलाई जिताउन हाम्रो पार्टी र मेरो व्यक्तिगत तर्फबाट समेत ठुलो योगदान छ।’

सिंचाई
Forest
Ad.

त्यस विद्यालयका अभिभावक/मतदाता २१७ मध्ये १७६ मत खसेकोमा पुरुष तर्फ ९९ मत र अर्का उमेदवार विष्णु घिमिरेले ८८ मत प्राप्त गरी विजयी भएको निर्वाचन अधिकृत तथा धुर्कोट गाउँपालिका शिक्षा शाखा प्रमुख दामोदर घिमिरेले जानकारी दिए।

उनका अनुसार महिला सदस्य तर्फ राधा पोख्रेल ९७ मत र अमिता विक ९६ मत लिई विजयी भएका छन। उनिहरुका निकटतम प्रतिद्वन्द्वी विष्णु घिमिरेले ८८ मत, मदन पोख्रेलले ७२ मत, रुद्र थापाले १ मत, महिला तर्फ अनिशा पोखरेलले ६६ मत रपार्वता कुँवरले ७६ मत प्राप्त गरेका छन।

३ मत बदर भएका छन। अब यि निर्वाचित ४ जनाले महिला, पुरूष १/१ जना मनाेनित गर्नेछन्। वडाध्यक्ष, शिक्षक प्रतिनिधि, प्रधानाध्यापक सदस्य सचिव रहने गरी अध्यक्ष चुन्ने कानुनी व्यवस्था रहेको छ।

त्यस विद्या‌लयका प्रधानाध्यापक चेतनारायण मरासिनीले विद्यालय प्रशासनले निर्वाचित महानुभावहरुलाई कुनै राजनैतिक दलका रुपमा नभई विद्यालयको विकासप्रेमी सदस्यहरुका रुपमा चिन्ने बताउदै भने, ‘आगामी आईतवार सोमबार सम्म उहाँहरुबाट अध्यक्ष चुनिनेछ।’

Awareness by SKF

कमेन्ट गर्नुहोस्

ओझेलका खबरलाई फेसबुक, एक्स, इन्स्टाग्राम वा टिकटकमा फ्लो गर्नुहोस्। कार्यक्रम ओझेलका खबरओझेलका खबर डटकम विशेष रिपोर्टहरु हेर्न Ojhelka Khabar TV युट्युब च्यानल सब्स्क्राइब गर्नुहोस्।

तपाईलाई यो खबर कस्तो लाग्यो

प्रेम सुनार को बारेमा

पत्रकार प्रेम सुनार चर्चित रेडियो कार्यक्रम ‘ओझेलका खबर’का प्रस्तोता हुन्। उनी ओझेलका खबरका प्रमुख संवाददाता तथा संरक्षक पनि हुन। उनी दर्जनभन्दा धेरै मिडियामा आवद्ध छन्।

प्रेम सुनार द्वारा प्राकाशित अन्य समाचार हेर्नुहोस →