भेलु बाजेको एक महिलाले कुटेर मृत्यु भएको भन्दै जाहेरी (भिडियो सहित)

गुल्मी, बैशाख २१: हिजो बिहिबार प्युठान जिल्ला अस्पतालमा मृत्यु भएका प्युठानका भेलु बाजे उपनामले चर्चित मिनबहादुर बुढालाई एक महिलाले कुटेर मृत्यु भएको भन्दै उनका ज्वाँईले प्रहरीमा किटानी जाहेरी दिएका छन।

प्युठान नगरपालिका-५, जुम्रीकाँडा घर भएका भेलु बाजेको कुटेर ज्यान गएको भन्दै प्युठानकै उनका ज्वाईँ हिमलाल पुन मगरले आज किटानी जाहेरी दिएको जिल्ला प्रहरी कार्यालय प्युठानका प्रमुख डिएसपी सुवास खड्काले जानकारी दिए।

उनका अनुसार प्युठान घर भएकी ३० बर्षीया गिता केसी विरुद्ध किटानी जाहेरी परेको हो। ‘आज उनि विरुद्ध जाहेरी परेको छ, भोली शनिवार भएकोले पर्सी आईतबार अदालतबाट पक्राउ पुर्जीको अनुमति लिएर पक्राउ गरी अनुसन्धान सुरु गरिने छ’, डिएसपी खड्काले भने।

के कारण कुटपिट गरियो भन्ने बारे अहिले नखुलेको तर अनुसन्धानबाट खुल्ने खड्काको भनाई छ।