अनिष पन्थी, गुल्मी: नेपाल प्रेस युनियन जिल्ला शाखा गुल्मीको अधिवेशन आगामी साउनमा हुने भएको छ। शनिबार बसेकाे जिल्ला कार्यसमिति गुल्मीको बैठकले आगामी साउन ६ गते अधिवेशन गर्ने निर्णय गरेको हो।
नेपाल प्रेस युनियन जिल्ला शाखा गुल्मीले गर्न लागेको अधिवेशन नवौं हो । शनिबार नेपाल प्रेस युनियनका केन्द्रीय सदस्य, प्रदेश लेखा समिति सदस्य र सिङ्गो कार्यसमितिको बैठकले साउन ६ गते भव्यताका साथ अधिवेशन गर्दैछ । यद्यपि अधिवेशन गर्ने स्थान भने ताेकिएकाे छैन् । कार्यसमितिले पुनः केही दिनमै बैठक बसेर स्थान र आवश्यक व्यवस्थापनकाे निर्णय गर्ने जिल्ला कार्यसमितिका सचिव रमेश विश्वकर्माले जानकारी दिए ।
नेपाल प्रेस युनियनकाे नवौं अधिवेशनलाई विगतमा भन्दा ऐतिहासिक बनाएर अगाडि बढाउने गरि तयारी गरिएको जिल्ला कार्यसमितिका सभापति रेशम कुँवरले जानकारी दिए । अधिवेशन सम्बन्धमा कार्यसमितिकाे बैठक पुनः छिट्टै बस्ने पनि सभापति कुँवरले जानकारी दिएका छन् ।
आगामी अधिवेशनमा सभापति पदका उम्मेदवारकाे रुपमा नेपाल प्रेस युनियन लुम्बिनी प्रदेश प्रतिनिधि सुमन महतारा, लुम्बिनी प्रदेश लेखा समिति सदस्य प्रकाश घिमिरे र जिल्ला कार्यसमिति सचिव रमेश विश्वकर्माकाे चर्चा छ । तर, औपचारिक रुपमा भने कसैले घाेषणा गरेका छैनन्।
|
ओझेलका खबरलाई फेसबुक, एक्स, इन्स्टाग्राम वा टिकटकमा फ्लो गर्नुहोस्। कार्यक्रम ओझेलका खबर र ओझेलका खबर डटकम विशेष रिपोर्टहरु हेर्न Ojhelka Khabar TV युट्युब च्यानल सब्स्क्राइब गर्नुहोस्। |
