न्वागी मेलामा आयोजित भलिबलको उपाधी वामीको कालिकालाई

बागलुङ: न्वागी मेलाको अवसरमा बागलुङको बडिगाड गाउँपालिकामा आयोजित भलिबल प्रतियोगिताको उपाधि कालिका ट्रेनिङ सेन्टर वामी गुल्मीले जितेको छ।

मंसिर १० गतेदेखि सुरु भएकोे न्वागी मेलामा आयोजना गरिएको भलिबल प्रतियोगितामा बडिगाड-६, छिसफाटलाई २५-१९, १७-२५, २५-२३, २२-२५ र १६-१४ को सेटमा पराजित गर्दै कालिकाले उपाधि जितेको होे।

कालिका ट्रेनिङ सेन्टर वामीले १ लाख ११ हजार १ सय ११ रुपैयाँ, कप, मेडल र प्रमाण पत्र प्राप्त गर्यो भने उपविजेता बडिगाड-६ छिसफाटले ८८ हजार ८ सय ८८ रुपैयाँ, कप, मेडल र प्रमाण पत्रमा चित्त बुझायो।

यस्तै, प्रतियोगिताको वेष्ट सर्भरमा छिसफाटका सुनिल घर्ति मगर, वेष्ट लिफ्टरमा कालिकाका सुजन चोखाल र बेष्ट स्पाईकरमा छिसफाटका विजय थापा मगर पुरस्कृत भए। -ढोरपाटन न्यूज