गुल्मीः गुल्मीका स्थानीय तहमा अब भुक्तानी लिनका लागि स्वंयम कार्यालय धाउनुपर्ने अवस्थाको अन्त्य हुने भएको छ।
कोष तथा लेखा नियन्त्रण कार्यालय गुल्मीले जिल्लाका १२ वटै स्थानीय तहका लेखा अधिकृत र प्रमुख प्रशासकीय अधिकृतहरुलाई अनलाइन प्रर्णलीबाट भुक्तानी गर्ने गरी अभिमुखीकरण तालिम दिएपछि भुक्तानी लिनकै लागि कार्यालयहरुमा धाउनुपर्ने अवस्थाको अन्त्य हुने को ले नि का को कार्यालय गुल्मीले जनाएको छ ।
कार्यालयले शुक्रबार तालिमको उद्घाटन गर्दै केही दिनपछि स्थानीय तहमा भुक्तानी लिनका लागि व्यक्ति स्वंयम धाउनुपर्ने अवस्थाको अन्त्य हुने जनाएको छ ।
योजना तथा भुक्तानी लिने संस्थाको बैंक खाताको विवरण, अनलाइनमा इन्ट्री गरेपछि भुक्तानी लिनकै लागि स्थानीय तहमा बारम्बार धाउनुपर्ने अवस्थाको अन्त्य हुने कोष तथा लेखा नियन्त्रक छबिन्द्र वेलवासेले जानकारी दिनुभयो ।
जिल्ला समन्वय अधिकारी भक्तिराम मरासिनीले तालिममा सिकेको ज्ञानलाई व्यवहारमा लागु गर्नुपर्नेमा जोड दिनुभयो । संचार र प्रविधिले उच्चतम प्रयोगले काममा सहजता आउने उहाँले दावी गर्नुभयो ।पहिले झोलामा नगद बोकेर हिड्नुपर्ने समयको स्मरण गर्दै उहाँले अब त्यी सबै अवस्थाको अन्त्य भएको उल्लेख गर्नुभयो ।
तालिममा सहभागी रुरुक्षेत्र गाउँपालिकाका लेखा अधिकृत मनिष पाण्डेले तालिम पश्चात भुक्तानीमा सहजता आउने बताउनुभयो । अनलाइन प्रर्णलीबाट भुक्तानी गर्दा सेवा ग्राहीहरुलाई कार्यालयमा धाइरहनुपर्ने अवस्थाको अन्त्य हुने र चेक साटिएन भनेर चिन्ता लिनु पनि नपर्ने उहाँको भनाई छ ।
तीन दिनसम्म चल्ने तालिममा सत्यवती गाउँपालिकाकी लेखा अधिकृत बिन्दु पन्थी , कोष तथा लेखा नियन्त्रण कार्यालका लालमणी भण्डारीले सहजिकरण गर्नुहुनेछ। खबर मार्केट डटकममा यो खबर प्रकाशित छ।
