आर्थिक अभावमा मुसिकोटका पूर्ण कुमालको उपचारमा समस्या, सहयोगको लागि आग्रह

गुल्मी: पिसाब सम्बन्धी गम्भीर स्वास्थ्य समस्या भएर पनि आर्थिक अभावका कारण उपचार गराउन नसकी घरमै बसेका मुसिकोट नगरपालिका-३, तोलादी, गुल्मीका पूर्ण कुमाल अहिले काठमाडौं स्थित शिक्षण अस्पतालमा उपचाररत छन्। केही मनकारी व्यक्तिहरुको सहयोगमा उनि त्यहाँ पुगेपनि आर्थिक अभावका कारण उपचारमा बाधा उत्पन्न भएको छ।

जिटिभी नेपाल युट्युब च्यानल मार्फत उनको दयनीय अवस्था सार्वजनिक गरिएपछि करिब एक लाख बराबरको नगद र जिन्सी सामानहरु सहयोग स्वरुप प्राप्त भएपछि उपचारार्थ उनलाई काठमाडौं लगिएको थियो।

आर्थिक अभावमा छोराको उपचार नहुने हो कि भन्ने चिन्ताले सताइरहेको उनका बुवाले बताए। उनले भने, ‘हामीलाई कसैले ऋण दिदैनन्। तेत्रो पैसा कहाँबाट जुटाउँ? मेरो छोराको उपचारका लागि सहयोगको याचना गर्दछु। छोराको जीवन रक्षा गरी हाम्रो खुसी फर्काइदिनुहोस्।’

अतिविपन्न परिवारका उनको अवस्था देखेर हाल विभिन्न मुलुकमा कार्यरत मुसिकोटवासीहरुले ‘पूर्ण कुमाल बचाऔँ अभियान’ सञ्चालन गरिरहेका छन्। तपाईं पनि उनको जीवन रक्षार्थ आर्थिक सहयोग प्रदान गर्न चाहनुहुन्छ भने हाल चेक रिपब्लिकमा कार्यरत ऋषिराम गिरी, जापानमा कार्यरत युवराज कुमाल र दिपक कार्कीलाई सम्पर्क गर्न सक्नुहुन्छ। अथवा पत्रकार दिपक नेपाली मार्फत पनि सहयोग पुर्याउन सक्नुहुन्छ।

यस अभियान अन्तर्गत हालसम्म सहयोग गर्ने सहयोगदाताहरुको विवरण:

अन्तिम पटक अद्यावधिक गरिएको: फेब्रुअरी १३, २०२१, बिहान ८ बजे

पूर्ण कुमालको पछिल्लो अवस्थाबारे जानकारी लिन यो भिडियो हेर्नुहोस्: