Place for ads

Awareness

मुसिकोटका दर्जीको उपचारार्थ संकलित सहयोग रकम हस्तान्तरण



ओझेलका खबर संवाददाता
२ वर्ष अगाडि


Place for ads

कौरव खत्री, गुल्मी: गुल्मी मुसिकोट नगरपालिका, वडा नं. १, बाङ्गे निवासी शंकर दर्जीलाई स्वास्थ्य उपचारको लागि आर्थिक सहयोग रकम हस्तान्तरण गरिएको छ।

शनिवार एक कार्यक्रमका बीच समाजसेवी तारादेवी गौतम र बयोवृद्ध रमा केसीले संयुक्त रुपमा दर्जी परिवारलाई १ लाख,९३ हजार, ५ सय, ५४ रुपैयाँको नगद चेक हस्तान्तरण गरिएको थियो।

Get Vaccinated

दर्जीको स्वास्थ्य उपचारार्थ आर्थिक सहयोग संकलन अभियान मार्फत स्वदेश तथा विदेशबाट गरि कुल संकलित रु. ३ लाख, ९५ हजार, ४ सय,६६ रुपैया आर्थिक सहयोग रकम मध्ये बिरामी दर्जीको स्वास्थ्य उपचारमा रु. १ लाख,९९ हजार, ९ सय,१२ रुपैयाँ उपचारमा खर्च भएको र बाँकी बचत रकम रु. १ लाख, ९३ हजार, ५ सय,५४ रुपैयाको नगद चेक दर्जी परिवारलाई प्रदान गरिएको शंकर परियार उपचार व्यवस्थापन समिति पौदी अमराई बाङ्गेका सचिव श्यामन्त नेपालीले जानकारी दिनुभयो।

साथै आर्थिक संकलन अभियानमा दर्जीको स्वास्थ्य उपचारको लागि सहयोग गर्ने सम्पूर्ण सहयोगीदाताहरुलाई सहयोग संकलन अभियानका अभियन्ता अशोक गौतम र दर्जी परिवारले विशेष धन्यवाद दिनुभयो।

त्यस्तै सोही अवसरमा नेपाल पत्रकार महासंघ गुल्मीका कोषाध्यक्ष कौरव खत्रीले बिरामी दर्जीको स्वास्थ्य उपचारलाई सहयोग संकलन अभियान मार्फत सहयोग जुटाउन पहल र आर्थिक सहयोग गनुहुने सबै सहयोगीदाताहरु गर्नुहुने सबैलाई धन्यवाद दिनुभयो।

आर्थिक अवस्था कमजोर रहेका दर्जीको स्वास्थ्य उपचारलाई मुसिकोट नगरपालिका वडा नं. १ बाङ्गे निवासी हाल रोजगारीको शिलशिलामा जापानमा रहनु भएका समाजसेवी लोकनाथ घिमिरे, सोही स्थानका हाल पपुवा न्युगिनी रहनु भएका युवा समाजसेवी अशोक गौतम,पौदी सेभ सोसाइटी जापानका अध्यक्ष कृष्ण खत्री क्षेत्री,शंकर परियार उपचार व्यवस्थापन समिति कोषाध्यक्ष ओम गुरुङ्ग,सिबि खाती क्षेत्री,राजन गिरी,सूर्य नेपाली, र पौदी सेभ सोसाइटी जापान संस्था लगायतको पहल तथा सक्रियतामा जापान,पपुवा न्युगिनी,भारत,अमेरिका,साउदी अरव,दुवई,कतार लगायतका देश तथा नेपालका स्थानमा रहनु भएका ७९ जना व्यक्तिहरुबाट संकलित कुल ३लाख,९५हजार,४सय,६६रुपैया आर्थिक सहयोग संकलन शंकर परियार उपचार व्यवस्थापन समिति पौदी अमराई बाङ्गेका सचिव श्यामन्त नेपालीले जानकारी दिनुभयो ।

Awareness by SKF

शंकर दर्जी जन्र्मेको करिव १०-१२ बर्षको उमेरदेखि नै स्वास्थ्य समस्या भोक्दै आइरहनु भएका ३२ बर्षीय दर्जीलाई सहयोग जुटाएर काठमाण्डौमा औषधी उपचार गरेर विरामी दर्जीको स्वास्थ्यमा केही सुधार भएको शंकर परियार उपचार व्यवस्थापन समिति पौदी अमराई बाङ्गेका उपाध्यक्ष प्रेम बहादुर दर्जीले जानकारी दिनुभयो ।

सहयोग रकम हस्तान्तरण कार्यक्रममा मुसिकोट नगरपालिका १ बाङ्गेका समाजसेवी,महिला,युवा तथा दर्जी परिवारजन लगायतको सहभागिता रहेको थियो ।

कार्यक्रम शंकर परियार उपचार व्यवस्थापन समिति पौदी अमराई बाङ्गेका उपाध्यक्ष प्रेम बहादुर दर्जीको अध्यक्षता तथा समाजसेवी ढाल बहादुर गुरुङ्गको स्वागत मन्तव्यसँगै शुरु भएको कार्यक्रमको सञ्चालन भने शंकर परियार उपचार व्यवस्थापन समिति पौदी अमराई बाङ्गेका सचिव श्यामन्त नेपालीले गनुभएको थियो।

कमेन्ट गर्नुहोस्

ओझेलका खबरलाई फेसबुक, एक्स, इन्स्टाग्राम वा टिकटकमा फ्लो गर्नुहोस्। कार्यक्रम ओझेलका खबरओझेलका खबर डटकम विशेष रिपोर्टहरु हेर्न Ojhelka Khabar TV युट्युब च्यानल सब्स्क्राइब गर्नुहोस्।

तपाईलाई यो खबर कस्तो लाग्यो

तपाईंको प्रतिक्रिया