रोकिएका आइपीओ धमाधम सार्वजनिक हुँदै, पाइपलाइनमा २४ कम्पनी

काठमाडौं: नेपाल धितोपत्र बोर्डको प्रमुख भिष्मराज ढुङ्गाना निलम्बनमा परेपछि प्राथमिक शेयर निष्कासन प्रक्रिया प्रभावित भएको समाचार विभिन्न मिडियामा आएपछि सरकारको ध्यान गएको छ।

अब आउँदो बोर्ड बैठकबाट रोकिएका कम्पनीको आइपीओ आवेदनलाई स्वीकृति दिने तयारी भइरहेको धितोपत्र बोर्डले जनाएको छ। अहिले बोर्डमा निरज गिरीले प्रशासनिक काम चलाइरहेका छन् तर नीतिगत निर्णय भने हुन सकेको छैन। नियामक निकायमा स्वीकृतिको लागि अहिले ६ अर्ब माथिका कम्पनीको शेयर प्रक्रियामा रहेको छ।

सयपत्री जलविद्युतको ९० करोड देखि डिस होमको २३ करोड सम्मको शेयर निष्कासनको प्रक्रियामा रहेका छन्।

शेयर आउनेमा अधिकांश जलविद्युत कम्पनी रहेका छन भने इन्स्योरेन्स र लघुवित्त पनि यो लहरमा छन्। आर्थिक सन्देश डटकममा यो खबर छ।