अर्घाखाँचीमा विद्यालयका शिक्षकहरु एमाले महाधिवेशनमा, कैयौँ स्कुल बन्द

अर्घाखाँची: अर्घाखाँची जिल्लाका सबै सामुदायिक विद्यालयबाट चितवनमा जारी एमालेको दशौँ महाधिवेशनका लागि शिक्षकहरू गएपछि पठनपाठन प्रभावित भएको छ।

जिल्लाका सन्धिखर्क नगरपालिका, भूमिकास्थान नगरपालिका, शितगंगा नगरपालिका, मालारानी गाउँपालिका, पाणिनी गाउँपालिका र छत्रदेव गाउँपालिकामा रहेका सबै सामुदायिक विद्यालयबाट चितवनमा जारी एमालेको दशौँ महाधिवेशनका लागि शिक्षकहरू गएपछि पढाई प्रभावित भएको हो।

मालारानी, सन्धिखर्क, भूमिकास्थान, पाणिनी र छत्रदेवका कयौँ विधालयहरु शुक्रबार बन्द भएको बताइएको छ। अधिकांश शिक्षक एमालेको महाधिवेशनमा गएपछि विद्यार्थीको पठनपाठन प्रभावित भएको छ। विद्यालय बन्द गरी राजनीतिक कार्यक्रममा जानु गलत भएको अर्घाका स्थानिय अभिवावक विष्णु भुसालको भनाई छ। उनी भन्छन्, ‘शिक्षकहरू खुलेर राजनीतिमा लाग्दा शिक्षा क्षेत्र समेत बदनाम तथा प्रभावित भएको छ।’

जिल्लाका कैयौँ शिक्षकहरू विद्यालय बिदा गर्ने जानकारी समेत नगराई महाधिवेशनमा गएका थिए। यस्तै सन्धिखर्कका कयौँ सरकारी कर्मचारी लगायत नगरपालिका र गाउँपालिका कार्यालयका अधिकांश कर्मचारी पार्टीको महाधिवेशनमा गएपछि कार्यालयको कामकाजसमेत प्रभावित भएको छ। नालिबेली न्यूज डटकममा यो खबर छ।