गुल्मी: गुल्मीमा बलात्कारपछि भागेका २ जनालाई प्रहरीले पक्राउ गरेको छ। पक्राउ पर्नेमा कपिलवस्तुको बाणगंगा नगरपालिका-१ घर भएका चन्द्रबहादुर थापा र गुल्मीको मुसिकोट नगरपालिका-८ वामी घर भएका चन्द्रे सार्की उर्फ सुरेश छन्।
२०७७ साल पुस २३ मा गुल्मीको चन्द्रकोट गाउँपालिकाकी १७ वर्षीया किशोरीलाई बलात्कार गरेर भागेका २१ वर्षीय चन्द्रबहादुर थापालाई कपिलवस्तुबाट पक्राउ गरेर ल्याइएको गुल्मीका एसपी गोपालचन्द्र भट्टराईले रातोपाटीलाई बताए।
४६ वर्षका सुरेश मुसिकोट नगरपालिकाबाट पक्राउ परेका हुन्। गएको भदौमा सुरेशले ३१ वर्षका महिलालाई बलात्कार गरेको आरोप छ। कार्तिक २५ मा चन्द्रबहादुरलाई पक्राउ गर्न गुल्मीका एसपी भट्टराई कपिलवस्तु पुगेका थिए।
दुवैजना आरोपीलाई अदालतबाट म्याद लिएर थप अनुसन्धान भइरहेको एसपी भट्टराईले बताए। रातोपाटी डटकममा यो खबर प्रकाशित छ।
