Place for ads

Awareness

अर्घाखाँचीका एक युवाले बनाए विद्युतीय मोटरसाइकल (भिडियो सहित)



ओझेलका खबर संवाददाता
२ वर्ष अगाडि


Place for ads

अर्घाखाँची: अर्घाखाँचीका एक युवाले विद्युतबाट चल्ने मोटरसाइकल बनाएर बिहीवार सार्वजनिक प्रदर्शन गरेका छन्।

जिल्लाको सन्धिखर्क नगरपालिका-१, पाणिनीचोक निवासी १८ बर्षीय सागर पोखरेलले ४५ देखि ५० को किमी गतिमा चल्ने विद्युतीय मोटरसाइकल बनाएर बिहिबार सन्धिखर्कको टुँडिखेलमा भव्य समारोहका बिच प्रदर्शन गरे।

Get Vaccinated

प्रदर्शन कार्यक्रममा सन्धिखर्क नगरपालिकाका मेयर कमलप्रसाद भुसाल लगायतका जनप्रतिनिधि, विभिन्न सरकारी निकायका प्रमुख तथा संघ संस्थाका प्रमुख तथा प्रतिनिधिहरुले स्वतःस्फूर्त प्रतिभाका धनी पोखरेलको प्रशंंसा गरेका थिए।

पोखरेलले ७ सय ५० वार्ड क्षमताको मोटर प्रयोग गरी मोटरसाइकल तयार गरेको र आरपिएम ४५० प्रतिमिनेट क्षमताको रहेको बताए। उनले गत एक बर्षदेखि विभिन्न सामग्री प्रयोग गरी मोटरसाइकल बनाउन सिकेको र धेरैपटक बनाउँदै बिगार्दै गरेर अभ्यस्त भएको सुनाए।

उनी हाल बुटवलको देवीनगरचोकस्थित नविन औद्योगिक केदारबहादुर रिता सेकेन्डरी हाईस्कुलमा कक्षा १२ मा ओभरसियर पढ्दैछन्। यसअघि छत्रदेव गाउँपालिका-७, भुस्खतास्थित सरस्वती माविमा कक्षा ९ र १० मा ओभरसियर पढ्न सुरु गरेका थिए।

पछिल्लो चरण दशैं तिहारको बिदामा घर आएको बेला निरन्तर लागि परेर मोटरसाइकल तयार गर्न सकेको बताउने उनी, सरकारी निकाय वा कुनै संघ संस्थाले सहयोग गरेमा व्यावसायिक रुपमा यस्तो प्रविधिको मोटरसाइकल उत्पादन गरेर बजारमा लैजान सक्ने बताउँछन्।

Awareness by SKF

सागरले सानैदेखि एक्साभेटर, रोबोट, भ्याकुम क्लिनर, पावर प्लान्ट, फ्रिज लगायतका ईलेक्ट्रोनिक सामग्री बनाउँदै आएको सुनाए। उनका बाबु अनन्तमणि पोखरेलले छोराले सानैदेखि सिर्जनशील काम गर्न रुची राख्दै आएको बताए।

भिडियो हेर्नुहोस्:

कमेन्ट गर्नुहोस्

ओझेलका खबरलाई फेसबुक, एक्स, इन्स्टाग्राम वा टिकटकमा फ्लो गर्नुहोस्। कार्यक्रम ओझेलका खबरओझेलका खबर डटकम विशेष रिपोर्टहरु हेर्न Ojhelka Khabar TV युट्युब च्यानल सब्स्क्राइब गर्नुहोस्।

तपाईलाई यो खबर कस्तो लाग्यो

तपाईंको प्रतिक्रिया