Place for ads

Awareness

गुल्मीमा १६ दिनमा १३ सय बढीले बनाए नयाँ नागरिकता



ओझेलका खबर संवाददाता
३ वर्ष अगाडि


Place for ads

टोपलाल अर्याल, गुल्मी: जिल्ला प्रशासन कार्यालय गुल्मीले कार्तिक महिनामा १६ दिनमा मात्रै एक हजार तीन सय ३९ नयाँ नागरिकता वितरण गरेको छ। अरु समय दैनिक सरदर ३० देखि ४० नागरिकता वितरण हुन्छ। राहादानी पनि दैनिक २० देखि २५ वितरण हुँदै आएका थिए।

जिल्ला प्रशासन कार्यालय गुल्मीका खरिदार डिल बहादुर थापाका अनुसार कार्तिक १ देखि १६ गतेसम्म चार सय ७८ जनालाई नागरिकताको प्रतिलिपि वितरण गरिएको छ। त्यस्तै राहादानी सिफारिस द्रुत दुई सय २६ र सामान्य सात सय २४ गरेर नौ सय ५० गरिएको छ।

Get Vaccinated

भने १६ दिनमा चार सय ४७ जनालाई राहादानी वितरण गरिएको छ। राष्ट्रिय परिचय पत्र एक हजार एक सय ९४ र दलित, जनजातिहरुको नाम थर प्रमाणित दुई सय पाँच जनाको गरिएको खरिदार थापाले जानकारी दिए।

प्रत्येक बर्ष जिल्ला प्रशासन कार्यालयमा दशैँ र तिहारका बेला नागरिकता, राहदानी लगायतका सेवा लिनेहरुको निकै भिड हुने गरेको छ। दशैमा नियमित बाहेक बाहिरबाट घर आएकाहरुले पनि मौका छोप्ने भएकाले सेवाग्राहीको चाप बढी हुने गरेको प्रमुख जिल्ला अधिकारी पुण्यबिक्रम पौडेलले बताए।

उनले पुर्वमा पुर्तिघाटदेखि पश्चिममा अग्लुङसम्मका नागरिकलाई समान व्यवहार गरेर अहिलेसम्म सेवा प्रवाह गरिएको बताए। ‘कसैले दवाब प्रभावमा पारेनन। कर्मचारीको समन्वय र सेवाग्राहीको धैर्यता राम्रो रह्यो,’उनले भने, ‘गत बर्षभरको बढि नागरिकता दिएको महिनामा भन्दा १६ दिनमा बढि सेवा प्रवाह गरेका छौँ।’

Awareness by SKF

एक प्रशासकीय अधिकृतको भरमा नागरिकता र राहदानी
जिल्ला प्रशासन कार्यालय गुल्मीमा दुई जना प्रशासकीय अधिकृत छन्। दुई जना मध्ये ज्ञान कुमारी भुसाल तिजपछि बिदामा छन्। सहायक प्रमुख जिल्ला अधिकारी नारायण प्रसाद भण्डारी पनि सरुवा भएपनि कार्तिक ४ गतेबाट प्रशासकीय अधिकृत उद्धव पन्थीले नागरिकता र राहादानी प्रमाणितको काम गरिरहेका छन्।

बिहान ८ बजेबाट बेलुका ८ बजेसम्म गरेर एक सय ५० जनालाई नागरिकता वितरण र एक सय ४२ जनासम्मलाई राहादानीको सिफारिस गरिएको जिल्ला प्रशासन कार्यालयका प्रशासकीय अधिकृत उद्धव पन्थीले जानकारी दिए।

प्रशासनको सिस्टमले दैनिक ७० भन्दा बढि नागरिकता दिन मुस्किल पर्छ। एउटा कम्प्युटरबाट बाहेक नागरिकता प्रिण्ट गर्न मिल्दैन्। १५ दिन सरदरमा दैनिक एक सयलाई नागरिकता दिएको पन्थीले बताए। ‘जहिले दिएपनि नागरिकता र राहादानी दिनुनै पर्ने थियो।

COVID-19

सेवा प्रवाहमा कार्यालयको तर्फबाट कुनै कसुर बाँकी रहेन,’ उनले भने, ‘सबै कर्मचारीको समन्वयमा संभव भयो।’ पन्थीले विगतमा चाडपर्वका बेला एक/दुई दिन भिड हुने गरेको भएपनि १५ दिन एकैनासले सेवाग्राही आएका कारण व्यवस्थापनमा चुनौति देखिएको बताए।

असोज महिनामा पनि एक हजार एक सय आठ जनाले नयाँ नागरिकता लिएका छन् भने चार सय ३३ जनालाई नागरिकताको प्रतिलिपि वितरण गरिएको छ। सामान्य र द्रुत गरेर सात सय ८३ राहादी सिफारिस गरिएको छ। एक हजार चार सय सात जनाले राष्ट्रिय परिचय पत्रको विवरण भरेका छन् भने २८ नाबालक परिचय पत्र वितरण गरिएको प्रशासन कार्यालयले जनाएको छ।

प्रतिलिपिले झनै सास्ती
जिल्ला प्रशासन कार्यालयमा नयाँ नागरिकतासंगै प्रतिलिपि लिनेहरुको भिड पनि उत्तिकै छ। कार्तिक १ देखि १६ गतेसम्म एक हजार तीन सय ३९ नयाँ नागरिकता वितरण भएका छन्। चार सय ७८ जनाले नागरिकताको प्रतिलिपि लिएका छन्।

त्यस्तै असोज महिनामा पनि एक हजार एक सय आठ जनाले नयाँ नागरिकता लिएका छन्। भने चार सय ३३ जनालाई नागरिकताको प्रतिलिपि लिने छन्। नागरिकताको प्रतिलिपि पटकपटक लिने कुरा कानुनी रुपमा राम्रो मानिदैन्। प्रमुख जिल्ला अधिकारी पुण्यबिक्रम पौडेलले नागरिकले नागरिकतालाई कम महत्व दिएका कारण प्रतिलिपि लिनेको संख्या बढेको बताए।

‘सवैभन्दा ठुलो प्रमाण नागरिकता हो। तर, नागरिकतालाई बाइकको लाइसेन्स जस्तै पनि नठानेकाले हराउने र बनाउने सामान्य बन्यो,’ उनले भने, ‘यो नागरिककै लागि गम्भिर प्रश्न हो।’

उनले नागरिकताको प्रतिलिपि विपन्नले भन्दा सम्पन्न परिवारलेनै बढी लिएको बताए। जिल्लाका नयाँसंगै प्रतिलिपिको संख्या देखेर आफु पनि आश्चर्य परेको बताउँदै पौडेलले नागरिकताको हेरबिचारमा ध्यान दिन सवैलाई अनुरोध गरे।

कमेन्ट गर्नुहोस्

ओझेलका खबरलाई फेसबुक, एक्स, इन्स्टाग्राम वा टिकटकमा फ्लो गर्नुहोस्। कार्यक्रम ओझेलका खबरओझेलका खबर डटकम विशेष रिपोर्टहरु हेर्न Ojhelka Khabar TV युट्युब च्यानल सब्स्क्राइब गर्नुहोस्।

तपाईलाई यो खबर कस्तो लाग्यो

तपाईंको प्रतिक्रिया