गुल्मी: नेकपा एमालेको पालिकास्तरीय अधिवेशनमा गुल्मीका १२ वटा पालिकाहरु मध्ये एकमात्र पालिकामा महिलाले अध्यक्षको दावेदारी गरेकी छन्।
मदाने गाउँपालिकाकी सरिता खड्काले गाउँ कमिटी अध्यक्ष पद दाबी गरेकी हुन्। अन्य सबैतिर उपसचिव पद महिलालाई कोटा नै छुट्टाए जस्तो गरि राखिएको छ।
मदाने गाउँपालिकाकी उपाध्यक्ष समेत रहेकी खड्काले पुरुषहरूसँग प्रतिस्पर्धा गर्न तयार रहेको अडान लिएकी छन्। अध्यक्ष पदका लागि खड्कासहित प्रेम घिमिरे, प्रेम केसी, चक्रबन्धु भुसाल मैदानमा छन्।
त्यस पालिकाका अध्यक्ष तथा एमाले जिल्ला नेता दानबहादुर केसीले शुक्रबार जिल्लाबाट उपाध्यक्ष वालसिंह काउछा, कार्यालय सदस्य हिरा एसी लगायतका नेताहरु सहमति जुटाउने बताए।
यस्तै गुल्मीको धुर्कोट गाउँपालिकामा पनि अधिवेशन हुन सकिरहेको छैन। हिमप्रसाद पन्थी र लोकबहादुर केसीले अध्यक्ष पदको दाबी गरेका छन्। धुर्कोट र मदाने गाउँपालिकामा सहमतिका लागि अन्तिम प्रयास हुनेर र सहमति नजुटे मतदान प्रकृयामा जाने उनको भनाइ छ। रातोपाटी डटकममा यो खबर प्रकाशित छ।
