११ वर्षिया बालिका श्रृष्टीको भरमा चल्छ बागलुङ बडिगाडको यो परिवार (भिडियो सहित)

बागलुङ: बागलुङ जिल्लाको बडिगाड गाउँपालिका-९ का बोम बहादुर विकको परिवारमा बिचल्ली छ। बिमारीले थला परेका बोम बहादुरका एक छोरा १५ बर्ष देखि बेपत्ता छन्। उनको परिवारमा उपचार त के हातमुख जोर्नै धौधौ छ।

परिवार जसको आधारमा चल्दै थियो अहिले उनी थला परेका छन्। परिवारमा सबै अपाङ्गता भएका छन्। कोही बोल्न सक्दैनन् त कोही हिँडडुल गर्न।

बोम बहादुरकी श्रृष्टी विक अहिले भर्खर ११ वर्षकी भइन्। ३ कक्षामा पढ्ने उनी धेरै पढेर बाबाआमा र परिवारलाई सुख चाहन्छिन्। तर यस चाहनामा उनको पारिवारिक अवस्था नै तगारो बनेको छ। उनको बाल्यकाल उनीबाट खोसिएको छ। खेल्ने र पढ्ने उमेरमा परिवारको सहारा बन्नुपरेको छ।

कार्यक्रम संघर्षको कथाका सञ्चालक दिपक नेपालीले यस परिवारको बिचल्लीको कथालाई समेटेर रिपोर्ट तयार पारेका छन्। आउनुहोस्, हेरौँ र यस परिवारलाई सक्दो सहयोग गरौँ।

‌