बागलुङमा दिदीलाई बलात्कार गरेको आरोपमा एक युवा पक्राउ

बागलुङ: ३० वर्षीया महिलालाई बलात्कार गरेको आरोपमा प्रहरीले बागलुङको बैंकमा कार्यरत एक युवालाई पक्राउ गरेको छ। कैलालीको जोसिपुर गाउँपालिका वडा नम्बर १ घर भई बागलुङमा बैंकमा काम गर्दै आएका २६ वर्षीय युवालाई जिल्ला प्रहरी कार्यालय बागलुङले बुधबार पक्राउ गरेको हो।

युवकले केही वर्ष पहिलेदेखि ति महिलालाई धर्म दिदी बनाएर तिहारमा भाइ टीका लगाउँदै आएको पाइएको छ। महिलालाई युवाले कात्तिक ३ गते बलात्कार गरेको आरोप छ।

पीडित महिलाले सात दिनपछि कात्तिक १० गते जिल्ला प्रहरी कार्यालय बागलुङमा उजुरी दिएपछि आरोपित युवकलाई पक्राउ गरेको जिल्ला प्रहरी कार्यालय बागलुङका प्रहरी निरीक्षक विजय भण्डारीले जानकारी दिए।

प्रहरीले युवकलाइ नियन्त्रणमा लिएर यस विषयमा अनुसन्धान सुरू गरेकाे प्रहरी निरीक्षक भण्डारीले जानकारी दिए। पछिल्लाे समय बागलुङमा यस प्रकारका घटनाहरू बढ्न थालेका छन्। निष्पक्ष खबर डटकममा यो खबर छ।