प्रेम सुनार, गुल्मी: गुल्मी समाज जापानको चौथो अधिवेशन सम्पन्न भएको छ। कार्य समिति तर्फ अध्यक्ष पदमा गुल्मीको ईन्द्रेगौँडा निवासी महेन्द्र कुमार अधिकारी सर्व सम्मत चयन भएका छन्। जापानको विभिन्न प्रान्त र विभाग हेर्ने गरि उपाध्यक्ष ७ जना निर्वाचित भएका छन्।
निर्वाचित हुनेहरुमा दयाराम खरेल, बाबुराम खरेल, टिकाराम खरेल, रामप्रसाद ढकाल, फर्शुराम न्यौपाने, रामप्रसाद गौतम र लक्ष्मी महार्जन केसी रहेका छन्। त्यस्तै संगिता कुँवर महासचिवमा निर्वाचित भएकी छन्।
सचिव पदमा कृष्णप्रसाद पोखरेल, दिलिप थापा , शिसिर न्यौपाने, नेत्र पाण्डे र सुधीर भण्डारी निर्वाचित भएका छन्। कोषाध्यक्षमा जितेन्द्र केसी र सहकोषाध्यक्षमा निशान जिसी निर्वाचित भएका छन्।
त्यस्तै कार्य समित सदस्यहरुमा क्रमशः विनोद ढकाल, दिपेन्द्र केसी, ताराराज शर्मा, मनोज रायमाझी , निरज कार्की , लक्ष्मण बस्नेत कुलबहादुर पोखरेल र दिनेश भण्डारी निर्वाचित भएको जापानबाट समाचार सहयोगी भरत अर्यालले जानकारी दिए।
उनका अनुसार रोशन केसीको संयोजकत्वमा ७ सदस्यीय अध्यक्ष मण्डाल समेत गठन गरिएको छ। सुरेश केसी, डिलाराम खरेल, तुल्सीराम खरेल , कृष्ण प्रसाद सापकोटा टिकाराम खरेल र गोविन्द्र रिजाल अध्यक्ष मण्डलमा रहेका हुन्।
अधिवेशनमा समाजका पुर्व अध्यक्ष शालिकराम भण्डारी लगायतको बिशेष आतिथ्यता रहेको थियो। समितिको कार्यकाल २ बर्षे हुने जनाईएको छ। गुल्मीबाट जापानको वैदेशिक रोजगारमा पुगेकाहरुले त्यसरी संगठित भई गृह जिल्लामा आई पर्ने विपदमा उद्धार गर्दै आएका छन भने शिक्षा र स्वास्थ्य क्षेत्रमा करोडौं सहयोग गर्दै आएका छन्।
|
ओझेलका खबरलाई फेसबुक, एक्स, इन्स्टाग्राम वा टिकटकमा फ्लो गर्नुहोस्। कार्यक्रम ओझेलका खबर र ओझेलका खबर डटकम विशेष रिपोर्टहरु हेर्न Ojhelka Khabar TV युट्युब च्यानल सब्स्क्राइब गर्नुहोस्।
|
