मौसम पूर्वानुमान: भोलिदेखि पानी पर्ने र हिमाली भेगमा हिमपातको सम्भावना

काठमाडौं: केही दिनदेखि देशका धेरै ठाउँको मौसम सफा रहे पनि भोलिदेखि भने पानी पर्ने भएको छ। देशका धेरै ठाउँमा भोलिदेखि पानी पर्ने र पर्सिदेखि हिमाली क्षेत्रमा हिमपात सुरु हुने मौसमविद्ले बताएका छन्। उहाँका अनुसार बारीमा फलेका अन्नबाली भित्र्याउने र पर्यटक हिमाली क्षेत्रमा ट्रेकिङ्ग गर्न मन पराउने समयमा रहेकाले किसान र यात्रामा रहेकालाई समस्या हुन सक्नेछ।

देशभरको मौसम आंशिकदेखि सामान्य बदली रहने भएकाले हुस्सु लाग्ने, पानी पर्ने, मेघगर्जनसहित चट्याङ्ग पर्ने जस्ता गतिविधि हुने देखिएकाले सामान्य सर्तकता अपनाउन मौसम पूर्वानुमान महाशाखाले आग्रह गरेको छ। मौसम बदली भएसँगै गर्मी कम हुँदै जानेछ।

आज काठमाण्डाैको अधिकतम तापक्रम ३१ दशमलव ८ डिग्री सेल्सियस रहेको छ। सबै भन्दा धेरै तापक्रम विराटनगरमा रहेको छ। विराटनगरको अधिकतम तापक्रम ३६ दशमलव ५ डिग्री सेल्सियस रहेको छ।