सुर्खेतमा चिरपट प्रहारबाट एक जनाको ज्यान गयो

ओझेलका  खबर, सुर्खेत  ।  सुर्खेतको गुर्भाकोट नगरपालिका–८ सुन्दरनगरमा एक एक ब्यक्तिको चिरपट (दाउरा) प्रहारबाट एक वृद्धको ज्यान गएको छ ।

  जिल्ला प्रहरी कार्यालय सुर्खेतका निमित्त सूचना अधिकारी प्रहरी निरीक्षक श्याम प्रसाद यादवबाट प्राप्त विवरण अनुसार कात्तिक १० गते बिहान करिब ११ः३० बजे स्थानीय ४० वर्षीय मैते भन्ने टेकबहादुर बि.क.ले सोही ठाउँका ६२ वर्षीय मानबहादुर राजीलाई चिरपटले टाउको र बायाँ खुट्टामा प्रहार गरेका थिए।

चिरपट प्रहारबाट घाइते भएका राजीलाई उपचारका लागि प्रदेश अस्पताल कालागाउँ, सुर्खेत पठाइएको थियो। स्वास्थ्यमा सुधार नआएपछि दिउँसो २ बजे थप उपचारका लागि कोहलपुर मेडिकल कलेज, कोहलपुर पुर्‍याइएकोमा डाक्टरले २ः१२ बजे मृत घोषणा गरेका थिए ।

 हिजै  ५ः५१ बजे पोस्टमार्टमका लागि मेहेलकुना अस्पताल, सुर्खेतको शवगृहमा ल्याएर राखिएको छ।घटनालगत्तै स्थानीय प्रहरी टोली घटनास्थलमा खटिएको थियो। प्रहरीले कुटपिटमा संलग्न टेकबहादुर बि.क.लाई नियन्त्रणमा लिएर अनुसन्धान अगाडि बढाएको छ ।

प्रहरी निरीक्षक यादवका अनुसार कुटपिट गर्नुको कारण भने हालसम्म खुलेको छैन। घटनाबारे थप अनुसन्धान भइरहेको उहाँको भनाई छ ।