गलकोट-३, भैसेँमा सडक दुर्घटना, एक छात्रा घाइते

बागलुङ: गलकोट नगरपालिका–३ भैसेँमा आज बिहान स्कार्पियो र स्कुल बस एकआपसमा ठोक्किँदा एक छात्रा घाइते भएकी छन्।

बुर्तिबाङबाट काठमाडौँतर्फ जाँदै गरेको ग ३ च २५०९ नम्बरको स्कार्पियो र विपरीत दिशाबाट आएको ग १ क ६४४३ नम्बरको स्कुल बस तीव्र गतिका कारण सडक किनारमा उभिएकी छात्रालाई ठक्कर दिएको प्रहरीले जनाएको छ।

ठक्करबाट गलकोट नगरपालिका–७ निवासी १८ वर्षीया एलिसा नेपाली घाइते भएकी हुन्। उनी हाल ईमर्जेन्सी अस्पतालमा उपचाररत छन्। चिकित्सकका अनुसार उनको अवस्था सामान्य रहेको छ।

दुर्घटनापछि दुवै सवारी साधन र चालकलाई प्रहरीले नियन्त्रणमा लिएको छ।