मुसिकोट, गुल्मी: गुल्मीको मुसिकोट नगरपालिका वडानम्बर ३ बडागाउँमा सञ्चालित साना किसान कृषि सहकारी संस्थाद्वारा सन्चालन गर्ने गरी शनिबार खाद्य प्रशोधन उद्योगको उद्घाटन गरिएको छ।
स्थानीय स्तरमा उत्पादन हुने जस्तै मनकामना, देउती, रामपुर कम्पोजिट, अरुण लगायतका मकैबाट लेभलिङ र प्याकेजिङ्ग गरी बजारीकरणको सुरुवात गर्ने गरी उद्योगको समुद्घघाटन गरिएको संस्थाले जनाएको हो, स्थानीय बजार तम्घास, बुटवल र काठमाडौलाई समेत लक्षित गरि उत्पादन शुरु गरिएको संस्थाका प्रबन्धक विवेक पेमीले बताउनु भयो।
कार्यक्रममा साना किसान कृषि सहकारी संस्थाका अध्यक्ष हरि प्रसाद छन्त्यालको अध्यक्षता रहेको थियो। भने मुसीकोट नगरपालिकाका नगर प्रमुख जीवलाल खरेल जीवनको प्रमुख आतिथ्यता रहेको थियो।
मुसिकोट नगरपालिकाका नगरप्रमुख जिवलाल खरेल, जीवनले उद्घाटन गर्दै जग्गा जमिन भाडामा उपलब्ध गराउनको लागि सूचना निकाली सहकारीलाई जग्गा उपल्बध गराउने र उत्पादन भएको खाद्यान्न बिक्री नभएको खण्डमा नगरपालिकाले खरिद गरिदिने पनि प्रतिवद्धता व्यक्त गर्नु भयो।
दुध उत्पादनलाई जस्तै यो खाद्यान्न उत्पादनलाई पनि प्रति केजीको दरले अनुदान पनि दिने उहाँले घोषणा गर्नुभएको छ।सहकारीले जुनसुकै काम गर्दा दस लाखसम्मको लागत साझेदारी ५०/५० प्रतिशत गर्ने पनि बताउनु भयो ।
पूर्व नगरप्रमुख सोमनाथ सापकोटाले फ्रिज हुन लागेको रकमले आज खाद्य प्रशोधन उद्योग सञ्चालन गर्न सफल भएको भन्दै खुसी व्यक्त गर्दै सफलताको शूभकामना पनि दिनु भएको थियो ।
कार्यक्रममा नगर उपप्रमुख गंगा श्रेष्ठ, पूर्व नगर प्रमुख सोमनाथ सापकोटा, पूर्व नगर उपप्रमुख कमला शर्मा, जिल्ला समन्वय समिती सदस्य साबित्रा भण्डारी, मुसिकोट नगरपालिका वडा नं. ४ का अध्यक्ष जुक्त बहादुर छन्तेल, AKC गुल्मिका प्रमुख नरेश धिताल, NAMP गुल्मिका प्रमुख रमेश जैसवाल, मुसिकोट उद्योग वाणिज्य संघका वरिष्ठ उपाध्यक्ष ज्ञानहरी सापकोटा लगाएत व्यक्तित्वहरुको महत्त्वपूर्ण उपस्थिती रहेको थियो ।
गुल्मी मुसिकोट उद्योग वाणिज्य संघका वरिष्ठ उपाध्यक्ष ज्ञानहरी सापकोटाले नगरसंग अनुदानको व्यवस्था मिलाउन आग्रह गर्दै उद्योग वाणिज्य संघ सधैं सहकारीको राम्रा कामको पक्षमा रहने बताउनु भयो । कार्यक्रममा उपस्थित सेयर सदस्य, र अतिथिहरुलाई खाजाको व्यवस्था सोही उद्योगबाट उत्पादन गरिएको मकैको पिठोबाट बनेको परिकार,रोटी खुवाइएको थियो ।
उद्योगको प्रचारप्रसार गर्ने र अतिथिलाई स्थानिय उत्पादनको प्रयोग गर्न आग्रह गर्दै उपस्थित सबै अतिथिलाई मायाको चिनोको रुपमा उत्पादन मकैबाट तयार पारिएको आटो दिइएको थियो ।
संस्थाका उपाध्यक्ष चुरा बहादुर पछाईको स्वागत मन्तव्य साथै संस्थाका प्रवन्धक विवेक पेमीको संचालनमा कार्यक्रम सम्पन्न भएको थियो।
|
ओझेलका खबरलाई फेसबुक, एक्स, इन्स्टाग्राम वा टिकटकमा फ्लो गर्नुहोस्। कार्यक्रम ओझेलका खबर र ओझेलका खबर डटकम विशेष रिपोर्टहरु हेर्न Ojhelka Khabar TV युट्युब च्यानल सब्स्क्राइब गर्नुहोस्। |
