गलकोटमा मोटरसाइकल दुर्घटना हुँदा तीन जना घाइते

बागलुङ: गलकोट नगरपालिका वडा नम्बर ३ बौर चौतारामा मोटरसाईकल दुर्घटना भएको छ।

गलकोट नगरपालिका वडा नम्बर २ नरेठाँटीबाट हटिया आउँदै गरेको ध १ प ४१६९ नम्बरको मोटरसाईकल र गलकोट नगरपालिका वडा नम्बर ३ हटियाबाट नरेठाँटी जाँदै गरेको ध १ प ७२४० नम्बरको मोटरसाईकल बौर चौतारामा दुर्घटना हुँदा ३ जना घाईते भएको प्रहरी चौकी हटियाले जनाएको छ।

मोटरसाईकल एकआपसमा ठोकिँदा ध १ प ७२४० का चालक ४७ वर्षिय सम्मर सार्की, २३ वर्षिय गणेश नेपाली र ध १ प ४१६९ का चालक २० वर्षिय पवन बिक घाईते भएको प्रहरीले बताएको छ।