गलकोट: गलकोट नगरपालिकाको आयोजनामा आज गणतन्त्र दिवसको अवसरमा लोकतान्त्रिक गणतन्त्रका उपलब्धि, चुनौती र सुधारका सम्भावनाबारे छलफल तथा विचार आदानप्रदान कार्यक्रम सम्पन्न भएको छ ।
कार्यक्रममा बोल्दै गलकोट नगरपालिकाका नगरप्रमुख भरत शर्मा गैरेले र लोकतान्त्रिक गणतन्त्रले देशका जनताको अधिकार सुनिश्चित गरेको बताउनुभयो । उहाँले देशको हरेक परिवर्तन नेपाली जनताको त्याग र बलिदानले सम्भव भएको बताउँदै पछिल्लो समय लोकतन्त्र गणतन्त्र माथि प्रहार भईरहेकोले नेपाली जनताले गणतन्त्रको रक्षाको लागि प्रतिबद्ध हुनुपर्ने बताउनुभयो ।
कार्यक्रममा गलकोट नगरपालिकाका उपप्रमुख फमलाल निउरेले गणतन्त्र विर सहितहरु र नेपाली जनताको बलिदानले नेपालको इतिहासमै निरन्कुश राजतन्त्रको अन्त्य सम्भव भएको बताउनुभयो ।
उहाँले पछिल्लो पुस्ताले गणतन्त्रलाई सामान्य रुपमा लिंदै देशमा भएको परिवर्तन, उपलब्धी, चुनौती र सम्भावनालाई नजरअन्दाज गर्दै गणतन्त्रको अन्य विकल्प खोजेको बताउनुभयो l
कार्यक्रममा जिल्ला समन्वय समिति बागलुङका सदस्य धना खत्री, नेकपा माओवादी केन्द्र गलकोट नगर उपाध्यक्ष कौशिला घर्ति, राष्ट्रिय जनमोर्चाका केन्द्रिय सदस्य वेदिलाल सापकोटा, गलकोट नगरपालिका वडा नं १ का अध्यक्ष लाल बहादुर राना लगायतले शुभकामना मन्तव्य व्यक्त गर्नुभएको थियो ।
कार्यक्रम गलकोट नगरपालिकाका नगर प्रमुख भरत शर्मा गैरेको अध्यक्षता, गलकोट नगरपालिका वडा नं ३ का अध्यक्ष फम बहादुर खत्रीको स्वागत र गलकोट नगरपालिकाका प्रवक्ता हिम बहादुर भण्डारीको सञ्चालनमा सम्पन्न भएको थियो ।
|
ओझेलका खबरलाई फेसबुक, एक्स, इन्स्टाग्राम वा टिकटकमा फ्लो गर्नुहोस्। कार्यक्रम ओझेलका खबर र ओझेलका खबर डटकम विशेष रिपोर्टहरु हेर्न Ojhelka Khabar TV युट्युब च्यानल सब्स्क्राइब गर्नुहोस्।
|
