रेसुङ्गा नगरपालिका-७ द्वारा अपाङ्ग तथा अशक्त नागरिकलाई सहयोग सामग्री वितरण

चैत २१, गुल्मी: सुङ्गा नगरपालिका वडा नं. ०७ को कार्यालयले आज वडाभित्रका शारीरिक रूपमा अशक्त तथा अपांग बिरामीहरूलाई आवश्यक सहयोग प्रदान गरेको छ। वडाका सम्पूर्ण जनप्रतिनिधिहरूले घर-घरमै पुगेर उनीहरूलाई तातो पानी पिउनका लागि थर्मस र बिस्कुट वितरण गरेका छन्।

यसअघि पनि वडाले अपांग तथा अशक्त नागरिकहरूलाई बाख्रा, लत्ता-कपडा तथा अन्य आवश्यक सामग्री वितरण गर्दै आइरहेको छ। साथै, जाडो मौसमलाई मध्यनजर गर्दै वृद्ध अवस्थाका नागरिकहरूलाई न्यानो ब्ल्यांकेट पनि वितरण गरिएको छ।

यस्ता लक्षित कार्यक्रमहरू आगामी दिनहरूमा समेत निरन्तर रूपमा सञ्चालन गरिने जानकारी वडा अध्यक्ष राम्जी पन्थीले जानकारी दिनुभयो।