वामीटक्सारमा निःशुल्क आँखा शिविर हुने

करिष्मा अर्याल, गुल्मी: गुल्मीको मुसिकोट नगरपालिका वडा नं. ७ वामीटक्सारमा अवस्थित श्री कृष्णहरी रुद्रावती सापकोटा आँखा उपचार केन्द्रमा दुई दिने निःशुल्क आँखा शिविर सञ्चालन हुने भएको छ।

केन्द्रको बार्षिक स्वीकृत कार्यक्रम बमोजिम मोतियाबिन्दु भएका बिरामीहरुलाई लक्षित गरि फाल्गुन ४ र ५ गते निःशुल्क मोतियाबिन्दुको अप्रेशन शिविर आयोजना गरिएको केन्द्रका अध्यक्ष अग्निधर लोहोनी जानकारी दिनुभयो।

शिविरमा आँखा चेक जाँच, चस्मा चेकजाँच तथा न्यूनतम शुल्कमा औषधी र चस्मा वितरण लगायतका सेवा प्रदान गरिने केन्द्रका दिपेन्द्र ज्ञवालीले जानकारी दिनुभयो । केन्द्रमा २०८१ वैशाख २१ र २२ गते पनि शिविर सञ्चालन भएको थियो।

उक्त शिविरमा २ सय ८२ जनाको आँखाको जाँच तथा मोतियाबिन्दुको समस्या भएका ७४ जनाको शल्यक्रिया गरिएको थियो।